Një pacient me koronavirus në spitalin Infektiv në Tiranë ,është shëruar plotësisht. “Sot edhe testi i dytë për të doli negativ, çka tregon se ai është plotësisht i shëruar”, njoftoi ministrja e Shëndetësisë, Ogerta Manastirliu.
Ai është kontakti i parë i pacientit zero, ose personit të parë të identifikuar me koronavirus në Shqipëri.
Lajmin e ka bërë të ditur edhe kryeministri Rama.
Babai i djalit 29-vjeçar rezultoi pa koronavirus edhe dy ditë më parë, por nevojitej një test i dytë për ta konfirmuar tërësisht zhdukjen e virusit.
“Një pacient tjetër është në pritje të rezultatit të testit të dytë, pasi në të parin ka rezultuar i shëruar, pa koronavirus”, shkruan ministrja Manastirliu.
“Ju lutem kujdes! Të prekurit po shtohen, spitali Infektiv ka sot katër pacientë në terapi intensive dhe numri i të shtruarve po rritet dita-ditës. Ju lutem qëndroni në shtëpi. Nëse keni shenja të sëmundjes telefononi 127!”, bën thirrje ministrja.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
