Përgjatë dekadës së parë (1990-2000) ndikimin më të fortë e ka ndier Italia, Gjermania dhe Holanda të cilat panë të rriteshin shpejt shifrat e turizmit.
Shqipëria mundi të përitonte nga ky regjim vetëm në dhjetor të vitit 2010. Vetëm 6 muaj pas vendimit se mund të udhëtohej pa viza, numri i shqiptarëve që udhëtuan jashtë arriti në 1.8 milionë ose rreth 25% më shumë se e njëjtja periudhë e vitit paradhës.
Të dhënat e Organizatës Botërore të Turizmit dhe Udhëtimeve tregojnë se ajo që ka humbur më shumë nga mosqenia në këtë regjim është Britania e Madhe, shifër e cila llogaritet në rreth 26 milionë sterlina.
Ndikimin më të madh e kanë dhënë kinezët dhe indianët. Në Francë, numri i vizitorëve kinezë gjatë vitit të kaluar u llogarit në 1.6 milionë; në Gjermani 1.1 milionë; Itali rreth 2.3 milionë, ndërsa në Britaninë e Madhe në vetëm 185,000.
Për turistët, Shengen është konsideruar si përfitim i cili ka lejuar që në një kohë të shkurtër të realizohen më shumë udhëtime.
“Ne tashmë mund të organizojmë ture, në varësi të preferencave të klientëve dhe kjo është e rëndësishme”, thotë Karan Anand, kreu i Shoqatës së Tur-Operatorëve.
Çdo vit, zona Shengen rritet me 25% dhe ndaj për turizmin është një impuls më shumë.
Ndërsa kreu i Shoqatës Europiane të Tur-Operatorëve (ETOA) thotë se regjimi i lirë i vizave ‘Shengen’ ka qenë një sukses dhe ka bërë të mundur shpërndarjen e miliarda eurove, si dhe ka krijuar mijëra vende të reja pune.
Tom Jenkins, Ceo i ETOA-s, thotë se Mbretëria e Bashkuar ka humbur rreth 20 milionë turistë të huaj vetëm nga të qenët jashtë këtij regjimi.
Burimi: gazetaekonomia.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
