Shtetet e Bashkuara të Amerikës kanë shtuar listën me produkte të Bashkimit Europian, të cilat mund të ‘goditen’ me tarifa të tjera, si një formë hakmarrje ndaj mosmarrëveshjes së gjatë mes Boeing Co dhe Airbus SE.
Zyra Përfaqësuese e Tregtisë (USTR) në Washington, publikoi listën me vlerë 4 miliardë dollarësh mallra të BE-së, që pritet të tarifohen si pasojë reduktimit të avionëve europianë. Produktet nisin nga frutat deri tek mishi, djathi, ullinjtë, makaronat etj. pjesë e listës janë edhe disa pije alkoolike dhe materiale ndërtimi.
Edhe BE ka përgatitur nga ana e saj tarifa kundërshtuese. Bloolberg shkruan se këto reagime nuk bëjnë asgjë tjetër përveç se të shtojnë tensionet tashmë ekzistuese mes Washingtonit dhe Brukselit. Nën qeverisjen e Trump, SHBA ka bërë thirrje për ndryshime gjithëpërfshirëse në OBT me bazë në Gjenevë dhe aktualisht po bllokon kandidatët në panelin e saj të apelit, një masë që mund të paralizojë kapacitetin e zgjidhjes së mosmarrëveshjeve të institucionit deri në fund të vitit.
USTR tha se me 5 gusht do të mbahet një dëgjesë publike për produktet e propozuara shtesë prej 4 miliardë dollarë. Ajo vlerëson se subvencionet e BE për Airbus shkaktojnë rreth 11 miliardë dollarë dëm ekonomik në SHBA çdo vit. Organizata Botërore e Tregtisë afirmon se subvencionet e BE-së shkelin rregullat e tregtisë ndërkombëtare dhe pritet të vendosë këtë verë mbi sasinë e kundërveprimeve që mund të imponojnë Shtetet e Bashkuara.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English