Sipas një rregulli të ri, që ka hyrë në fuqi pikërisht këtë fillim jave, kompanitë që eksportojnë lloje të caktuara programesh të imazheve gjeo-hapësinore nga Shtetet e Bashkuara, duhet të kërkojnë licencë për t’i dërguar ato jashtë kufijve. Nga kjo masë përjashtohet Kanadaja.
James Lewis ekspert i teknologjisë në Qendrën për Studimet Ndërkombëtare dhe Strategjike me bazë në Washington, thotë se, “ata duan të pengojnë që kompanitë amerikane të ndihmojnë Kinën të prodhojë produkte të inteligjencës artificiale, të cilat mund të ndihmojnë ushtrinë e saj”.
Lexo: Ironikisht, Samsung ka përfituar nga mosmarrëveshja tregtare mes SHBA-ve dhe Kinës
Rregulli do të hyjë në fuqi vetëm në Shtetet e Bashkuara, por autoritetet amerikane më vonë mund ta paraqesin atë pranë organeve ndërkombëtare si përpjekje për të bindur edhe vendet e tjera të miratojnë masa të njëjta.
Ligjvënësit republikanë dhe demokratë janë shprehur të zhgënjyer lidhur me vonesën e procesit për aplikimin e rregullave të reja, që forcojnë kontrollet e eksportit për këto pajisje. Lideri i demokratëve në Senat, Chuck Schumer, i ka kërkuar Departamentit të Tregtisë të përshpejtojë procesin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.