Vendet Evropiane nuk kanë arsye pse të përdorin teknologjinë mobile 5G të Huawei sepse kompania Suedeze Ericsson, kompania Finlandeze Nokia dhe kompania Koreano-Jugore Samsung janë po aq të mirë sa grupi Kinez.
Sekretari për sigurinë kibernetike pranë Departamentit Amerikan të Shtetit gjatë një vizite në Lisbonë tha, se duhet ndryshuar nocioni se Huawei është më i avancuar në 5G.
Lexo: Microsoft, një nga kompanitë e pakta amerikane që lejohet të bëjë biznes me Huawei
Uashington dëshiron që vendet aleate të bllokojnë teknologjinë e Huawei i cili është prodhuesi më i madh në botë i pajisjeve të telekomunikacionit.
Por, vendet aleate si Britani kanë lejuar Huawei të luajë një rol në ndërtimin e rrjetit 5G por të kufizuar.
Vitin e kaluar Huawei ka shpenzuar 15 miliardë dollarë në kërkim për të ruajtur lidershipin në këtë treg dhe argumenton se SHBA e kanë sanksionuar ngaqë asnjë kompani Amerikane nuk i afrohet as në teknologji e as në kosto.
Robert Strayer tha se Ericsson dhe Nokia do të përdorin një arkitekturë me burim të hapur duke krijuar mundësi për përfshirjen edhe të kompanive tjera si Dell, Cisco dhe Juniper të cilët kanë shprehur interes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
