Microsoft, një nga kompanitë e pakta amerikane që lejohet të bëjë biznes me Huawei


Microsoft ka marrë kohët e fundit një liçensë që e mundëson atë të bëjë eksport të software për Huawei.

“Më 20 nëntor, Departamenti i Tregtisë SHBA i plotësoi kërkesën Microsoft për eksportimin e software tek Huawei. Ne e vlerësojmë veprimin e Departamentit në përgjigje të kërkesës sonë,” tha një zëdhënës i Microsoft për Reuters.

Administrata e presidentit amerikan, Donald Trump tha se këtë javë do të lejojë disa furnitorë të rifillojnë shitjet në gjigantin e telekomunikimit kinez, i cili ishte vendosur në një listë të zezë tregtare për shqetësimet e sigurisë kombëtare gjashtë muaj më parë.

Lexoni: Huawei u sjell miliarda dollarë ekonomive europiane

Të mërkurën, një zyrtar amerikan tha që kishte pranuar afro 300 kërkesa për liçensë, rreth gjysma e të cilave ishin përpunuar. Afërsisht një e katërta e tyre ishin aprovuar dhe pjesa tjetër u mohua.

Nuk ishte e qartë menjëherë se cilat produkte janë miratuar për shitje tek Huawei, i cili është prodhuesi më i madh i pajisjeve telekomunikuese në botë dhe prodhuesi i dytë më i madh i smartphone-ve. Një person i njohur me procesin tha të mërkurën se janë aprovuar disa liçensa për shitje të komponentëve mobile dhe përbërësve jo-elektronikë.

Microsoft nuk pranoi të komentojë përtej deklaratës së tij dhe Departamenti i Tregtisë nuk pranoi të komentojë gjithashtu.

Dan Ives, një analist nga Wedbush Securities, tha se liçensa ka shumë të ngjarë të jetë për sistemin operativ Windows të kompanisë.

“Ky do të jetë një lehtësim i madh për Huawei pas një periudhe të vështirë me lojtarë të mëdhenj të teknologjisë si Microsoft, Google dhe të tjerët të kufizuar në platformë,” tha Ives.

Huawei ka pritur me padurim një linçensë që Google të sigurojë shërbimet e saj mobile për modele të reja. Pa qasje në shërbimet e Google, siç është Play Store për aplikacionet, telefonat Huawei do të bëhen më të vështirë për t’u shitur konsumatorëve jashtë Kinës. Google nuk pranoi të komentojë për këtë të enjten.

Lexoni: Gjermania injoron tarifën e presidentit Trump ndaj pajisjeve të Huawei

Dhënia e liçensave vjen pasi administrata Trump po punon për të nënshkruar një marrëveshje tregtare me Kinën, për t’i dhënë fund një lufte tregtare që ka tronditur tregjet dhe goditur rritjen globale.

Në një letër të enjten drejtuar Trump, senatorët e SHBA thanë se administrata duhet të ndalojë lëshimin e liçensave derisa të sigurojë Kongresin “një raport që përshkruan kritere specifike për përcaktimin nëse miratimi i ndonjë liçense paraqet kërcënim të sigurisë kombëtare.”

/BusinessInsider

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale