Julian Assange, themeluesi i Wikileaks, është një hap më afër ekstradimit nga Britania e Madhe në SHBA, pasi qeveria e Shteteve të Bashkuara fitoi apelin në Gjykatën e Lartë të Londrës.
Gjykatësi Timothy Holroyde tha të premten se gjykata “e lejon apelimin”.
Në SHBA, sipërmarrësi australian do të përballet me akuzat penale që përfshijnë shkeljen e ligjit të spiunazhit dhe komplot për të hakuar kompjuterët e qeverisë amerikane.
Holyrode u shpreh se SHBA ka siguruar Britaninë se dënimi i Assange do të plotësojë disa kushte.
Assange, i cili nuk u lejua të merrte pjesë personalisht në seancën dëgjimore, kërkohet nga autoritetet amerikane për publikimin e qindra mijëra dokumenteve të klasifikuara ushtarake në vitin 2010 dhe 2011.
Autoritetet amerikane e akuzojnë atë për 18 shkelje, që do të thotë se ai përballet me një dënim prej 175 vjetësh burg.
Stella Moris, e fejuara e Julian Assange, tha të premten: “Ne do ta apelojmë këtë vendim në momentin më të hershëm të mundshëm”.
Ajo e përshkroi vendimin e Gjykatës së Lartë si “të rrezikshëm dhe të gabuar” dhe një “shkelje të rëndë drejtësie”.
“Si mund të jetë e drejtë, si mund të jetë e mundur që të ekstradohet Julian në vendin që komplotoi për ta vrarë?” shtoi Morris.
Grupi për të drejtat e njeriut Amnesty International tha se akuzat kundër Assange janë “të motivuara politikisht” dhe duhet të hiqen.
Kryeredaktori i WikiLeaks, Kristinn Hrafnsson, tha në një deklaratë: “Jeta e Julian është edhe një herë nën kërcënim serioz dhe po ashtu është edhe e drejta e gazetarëve për të publikuar materiale që qeveritë dhe korporatat i shohin si të papërshtatshme.
Ai shtoi: “Kjo ka të bëjë me të drejtën e një shtypi të lirë për të botuar pa u kërcënuar nga një superfuqi bullizuese”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
