Sfidat e arsimit profesional: praktika të reja mësimore dhe rritje e aftësive digjitale të mësuesve - Business Magazine Albania

Sfidat e arsimit profesional: praktika të reja mësimore dhe rritje e aftësive digjitale të mësuesve

Sfidat e arsimit profesional

Arsimi gjendet para sfidës së edukimit të një gjenerate të lindur në epokën e teknologjisë.

Programi i Swisscontact “Aftësi për Punë” dhe Agjensia Kombëtare e Arsimit, Formimit Profesional dhe Kualifikimeve ka zhvilluar një tryezë lidhur me arritjet dhe sfidat e edukimit në arsimin profesional gjatë dhe pas pandemisë.

Bazë diskutimi për të këtë tryezë ishin rezultatet e vlerësimit të procesit mësimor në shkollat e mesme profesionale gjatë vitit akademik 2020-2021.

Pjesë e këtij studimi u bënë 60% e mësuesve të shkollave të mesme profesionale. Studimi tregoi se platforma më e përdorur ishte ajo e Google Classroom. Pavarësisht se këto shkolla u gjendën një hap para drejt digjitalizimit të procesit mësimor, pasi ato kanë edhe një platformë të dedikuar MësoVet, dhe më shumë investime laboratorike te gjimnazet, sërish sfidat mbeten të larta.

Migena Kapllanaj, e cila prezantoi studimin vuri në dukje se sfidat kryesore janë: Nevoja për më shumë trajnime për aftësitë digjitale të mësuesve, transformimi i metodave të mësimdhënies dhe nevoja për pajisje dhe shërbimeve mbështetesë.

Zamira Gjini, Drejtore e Politikave të Zhvillimit Arsimor në Ministrinë e Arsimit tha se në strategjinë kombëtare për arsimin 2023-2030 edukimi digjital është një nga 5 prioritetet.

Lexo: Tregtia online: vendim i ri për rritjen e sigurisë së konsumatorit

Fatjon Dragoshi, Menaxher i Projektit “Aftësi për Punë” tha se e gjithë sfida jonë është të përgatisim shkollat për t’i bërë të gatshme të edukojnë autoktonët digjitalë, që është pikërisht brezi që po i afrohet shkollës së mesme. Për këtë sipas tij, nevojitet angazhimi i të gjithë aktorëve në fushën e edukimit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0