Sfida IDEA hap aplikimet për vitin 2020

Projekti IDEA ka hapur aplikimet për vitin 2020 për konkursin e planeve të biznesit. Aplikimi është i hapur për individët që kanë një ide biznesi dhe duan ta vënë atë në jetë. Pjesëmarrësit që do të përzgjidhen do të marrin pjesë në mentorim si dhe do të kenë mundësi të përfitojnë edhe grantet e vëna në dispozicion për këtë projekt. 

Çfarë e bën Sfida IDEA 2020 kaq të veçantë?

Aplikimi i një prej praktikave më të mira ndërkombëtare me emrin CEFE për trajnimin e sipërmarrjes, ndikimin e provuar në jetën e përfituesve nga IDEA 2018,2019, përqasjen e zhvillimit intensiv të aftësive duke kombinuar trajnimin, coaching/këshillim, mentorim.
Sfida IDEA 2020 do të fillojë me 400 biznese te reja në të gjithë Shqipërinë, dhe do te realizohen 6 konkurse rajonale. Fituesit e çdo rajoni do të konkurrojnë në nivel kombëtar.

Kush dhe ku mund të aplikojë?! 
Mund të bëhen pjesë e sfidës femra dhe meshkuj që janë në fazat e hershme të aktivitetit të tyre sipërmarrës apo me biznese që nuk kanë më shumë se 3 vjet që operojnë dhe të cilin synojnë ta zgjerojnë, janë të ftuar të regjistrohen për fazën e parë: trajnimin për sipërmarrjen në shkallë të gjerë. Thjesht dërgoni aplikimin tuaj për IDEA përmes formularit të aplikimit online. Në rrjetin social www.facebook.com/ideaalbania ose në http://idea.cefe.net/apliko-tani/?lang=sq

Lexo: Startup, ja 5 fituesit e IDEA 2019

Përmes metodës CEFE, të rinjtë sipërmarrës bëhen pjesë e situatave reale të biznesit, ç’ka i bën ata të jenë të përgatitur e të dinë të reagojnë më mirë, kur kjo situatë u ndodh në biznes. Medodologjia CEFE kombinon trajnimin, këshillimin dhe mentorimin.

Projekti zhvillohet kuadër të bashkëpunimit gjermano-shqiptar dhe me mbështetjen e Shoqërisë Gjermane për Bashkëpunim Ndërkombëtar (GIZ), Ministrisë së Zhvillimit Ekonomik, Turizmit, Tregtisë dhe Sipërmarrjes (MZHETTS) dhe Agjencisë Shqiptare të Zhvillimit të Investimeve (AIDA).