Startup, ja 5 fituesit e IDEA 2019 - Business Magazine Albania

Startup, ja 5 fituesit e IDEA 2019


Pas një përvoje intensive disa mujore, IDEA 2019 kurorëzoi 5 fituesit, të cilët vlerësohet të kenë ofruar idetë më inovative të biznesit, të qëndrueshme dhe me një pjesëmarrje aktive në trajnim. Para jurisë së përbërë nga drejtues të Albtelecom, DIHA (Dhoma Gjermano Shqiptare e Tregtisë) Deloitte dhe Iceberg Communications, finalistët prezantuan idetë e tyre në emisionin e Diell, në Top Channel.

Katër prej ideve individuale fituan mbështetje nga 4 mijë euro nga IDEA, mbështetur nga qeveria gjermane. Një prej ideve të prezantuara në grup fitoi 7000 euro. Ndërkohë, të gjithë finalistët morën mbështetje nga anëtarët e jurisë dhe Business Magazine, për shërbime të ndryshme. Përmes Businessmag dhe New Media Communications, dy prej finalistëve do të mund të mbështeten në zhvillimin e ideve të tyre për 6 muaj në zhvillimin e Marketingut dhe PR.

Ja cilët janë 5 fituesit e ideve më të mira të biznesit

Kozeta (Lico) Halili është stiliste në Vlorë prej disa vitesh me Butik&Atelie Kozeta. Ajo po punon në riprodhimin e kostumeve popullore tradicionale shqiptare dhe prodhim të veshjeve moderne të ndërthurur me artizanalen.

Kozeta tregon për Businessmag se po synon të sjellë, “një vlerë të shtuar, një risi për qytetin e Vlorës. Nisma erdhi si rezultat i vetë kërkesës së klientëve të mi besnikë dhe klientëve të rinj”.

Produktet që Kozeta ofron janë veshje ekonomike për t’u blerë nga kushdo, por që përcjellin vlera tradicionale të vendit tonë te turistët e huaj e njëkohësisht vlera që përcillen edhe te brezi i ri.

Kozeta tregon se, produktet e saj janë veshje të punuara në mënyrë artizanale nga duart e grave vlonjate. Nuk janë veshje luksi, por luksi konsiston në punimin me dorë të çdo elementi traditional kombëtar që përban veshja. “Veshjet moderne me ndërthurje artizanale konsistojnë në idenë e përqafimit të së ardhmes me realitetin nga kemi ardhur, me sëndukun me vlera, cilësi e tradita të të parëve tanë.

Kozeta ka edhe një pikë shitje në Tiranë. Ajo parashikon ta zgjerojë aktivitetin e saj brenda dhe më vonë edhe jashtë Shqipërisë. E diplomuar në Menaxhim-Biznes, ajo dashuron punën si stiliste, me artin e trashëguar nga prindërit.

Lexo: Sfida IDEA përzgjedh finalistët

Neorent Lumshi. Ideja e Neorentit është të automatizojë sektorin e bujqësisë. Sipërmarrja e tij ende nuk është hapur plotësisht. Neorenti tregon se, “jemi në ndërtimin e prototipit të dytë të produktit. X-Sper është një robot, i cili do të kryejë spërkatjen e pesticideve në sera duke rritur efikasitetin dhe duke ulur kostot e prodhimeve bujqësore”. Reparti do të hapet në Shijak së shpejti. Është nje produkt inovativ, teknologjik dhe do të sjellë risi në treg”.

Erik Gjermeni, fitoi në konkursin e Ideas me një ide të re në tregun e shërbimeve. Flasim për  aplikacionin “Bubbles”. “Aplikacioni siguron transportimin e rrobave nga shtëpia e klientit në pastrimin kimik të dëshiruar dhe anasjelltas”. Erik është 26 vjeç. Ai vjen pas studimeve të zhvilluara në Londër, ku është diplomuar për Statistikë. Idetë më të mira sipas tij janë ato që zgjidhin probleme, të cilat nuk i dinim që i kishim!

Pranvera Rrapushi, drejton kompaninë “GRAL Albania”. GRAL vjen me një eksperiencë të re blerjesh online, me çmimin më të ulët në treg për çdo produkt. “Vizioni për të ardhmen është krijimi i kapaciteteve ballkanike, duke qenë “Komuniteti Online” më i gëzuar në Shqipëri! GRAL, Stili YT!”. Pranvera është diplomuar për Shkencat e Natyrës dhe Administrim Biznesi.

Stilian Jankulla. Me idenë e tij “Premti” Stiliani është i fokusuar në prodhimin, ambalazhimin dhe tregtimin e produkteve autoktone përmetare si: mjaltë, reçel dhe gliko përmeti. I gjithë ky proçes synon të bëhet në mënyrë artizanale dhe sipas traditës. Sipas tij, suksesi i këtij biznesi qëndron tek cilësia, shija dhe tradita. Themelues i kësaj sipërmarrje të re, Stiliani ka një diplomë në menaxhim biznes.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0