Sezoni turistik do të zgjasë deri në nëntor

Sezoni turistik

Sezoni turistik 2020 do të zgjasë deri në 15 nëntor, si një mënyrë për të kompensuar muajt e humbur për shkak të pandemisë së COVID-19, bëri me dije ministri i Turizmit, Blendi Klosi.

“Për të zëvendësuar kohën e humbur, ditët e marsit, prillit, majit me kërkesë dhe të operatorëve turistikë do të shtyjmë sezonin deri në 15 nëntor në mënyrë që dhe ju të keni mundësi të paguani faturat dhe taksat”.

Ministri Klosi premtoi se këtë verë do të ketë më shumë plazhe publike, ku qytetarët mund të pushojnë pa paguar para.

Ministri i Turizmit njoftoi se të gjithë hotelet dhe restorantet, që do duan të menaxhojnë plazhet përpara biznesit të tyre, duhet të aplikojnë në portalin e-Albania nga 1 deri më 15 qershor dhe të vetëdeklarojnë kushtet e higjienës.

Gjatë kontrolleve nga institucionet shtetërore, të gjithë ata biznese që nuk respektojnë protokollet shëndetësore dhe kushtet e higjienës do të gjobiten dhe mbyllen, për të mos vënë në rrezik jetën e qytetarëve.

Lexoni: A e dëmton empatia biznesin tuaj të konsulencës?

 “Për mos respektim të protokollit të shëndetësisë do të ketë gjoba shumë të forta deri në sekuestrim të pasurisë, shezlloneve dhe heqje të liçencës”, tha ministri Klosi.

 

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale