Sektori i peshkimit në Shqipëri gjatë këtij viti ka shënuar rritje të sasisë së peshkut të zënë dhe synon rritjen e eksporteve në tregjet e BE-së, favorizuar kjo nga heqja e taksës së karburantit, i cili prek në mënyrë të drejtpërdrejtë zhvillimin e këtij sektori dhe rritjen e investimeve në flotën e peshkimit.
Ministria e Bujqësisë parashikon që këtë vit të hapë negociatat me Bashkimin Evropian, dhe negocimi i kuotave që sot është 1600 ton do të bëhet vetëm mbi bazën e kapacitetit të instaluar të aftësive peshkuese, pra të flotës.
Prandaj, në këto kushte ministria e Bujqësisë apelon për krijimin e një flote me standarde bashkëkohore në mënyrë që diskutimi me partnerët evropianë për të negociuar shtimin e kuotave të jetë dhe real dhe me tregusë në rritje.
Sipas të dhënave zyrtare, vitin e kaluar ky sektor shënoi rreth 5.813 ton peshk të zënë, ose 7,6% më shumë se në 11 muajt e parë të vitit 2013, ku u kapën vetëm 5.369 ton peshk.
Ndërkohë, që në vlera monetare dhe prodhimi në total kap shifrën e 40 milionë dollarë amerikanë, nga ku 22 milionë janë siguruar nga zënia e peshkut në bregdet dhe laguna, 8 milionë në akuakulturë dhe pjesa tjetër nga kultivimi i midhjeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
