Sektori i bimëve medicinale dhe aromatike, i dyti në eksportin bujqësor - Business Magazine Albania

Sektori i bimëve medicinale dhe aromatike, i dyti në eksportin bujqësor


“Të gjithë së bashku për një industri të konsoliduar” ishte slogani i takimit Kombëtar të Industrisë së Bimëve Medicinale dhe Aromatike të Shqipërisë (IBMA – AMAP), të organizuar nga Shoqata e Bimëve Medicinale dhe Aromatike Shqiptare, në ambjentet e Hotel Tirana International, më 10 Qershor 2017. Qëllimi i këtij aktiviteti ishte analiza e situatës të këtij sektori të rëndësishëm, i cili i dedikohej jo vetem ruajtjes, kultivimit dhe përpunimit të bimëve mjeksore, por edhe rritjes të eksportit.

Të ftuar ishin Ministrja Milva Ekonomi, përfaqësues të AIDA-s, Ministrisë së Bujqësisë, Institucione Kërkimore, Shoqata të Biznesit, Agjencitë Rajonale të Zhvillimit, Dhomave të Tregtisë, si dhe mbi 200 subjekte kultivuese, grumbulluese, përpunuese dhe eksportuese të bimëve medicinale dhe aromatike.

AIDA në kuader të misionit dhe programit të punës së saj për mbështetjen e biznesit eksportues, përfshirë edhe atë të bimëve medicinale ka asistuar dhe ndihmuar, nëpërmjet fondeve grant të administruar prej saj. AIDA ka ndihmuar në promovimin dhe certfikimin e produkteve të tyre për eksport 6 kompani të sektorit si: Herba Fruta në Elbasan; Atc, Xherdo, Greenfarm, Vitaherbs, Fabertti në Durrës dhe Mucaj në Koplik, duke luajtur nje rol thelbësor në rritjen e biznesit.

Sektori i bimëve medicinale dhe aromatike gjeneron rreth 25 milionë € nga eksporti, i listuar si sektori i dytë më i madh në eksportin bujqësor. Aktualisht në këtë sektor janë angazhuar rreth 90 – 100 mijë persona dhe produktet e tyre janë më të kërkuara nga tregjet e huaja për eksport.

Burimi: aida.gov.al

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0