Në Kuvendin e Shqipërisë ka mbërritur Projektligji, i cili parashikon edhe gjoba të rënda për të rritur që u ofrojnë pije energjike të miturve.
Subjektet që tregtojnë pije energjike do ta kenë të detyrueshme të vendosin tabelën “Ndalohet shitja e pijeve energjike personave nën 18 vjeç”, në të njejtën mënyrë si për pijet alkoolike. Në rast shkelje, pika tregtare dënohet me 10 mijë lekë gjobë.
Lexo: Anglia do të ndalojë pijet energjike për fëmijët, reagon deputeti shqiptar
Për të rriturit që shoqërojnë të miturin që konsumon pije energjike gjoba varion 10- 30 mijë lekë, në varësi të vendit ku ofrohet pija.
Nisma parashikon edhe kufizime për reklamimin në media, apo insitucione si shkolla, kinema, teatro.
Për reklamimet drejtuar të miturve në mjedise publike si rrugë, parqe etj. parashikohen gjoba nga 100 deri në 200 mijë lekë. Qëllimi i ligjit është të parandalohen pasoja shëndetësore tek fëmijët nga konsumi i pijeve energjike dhe pijeve të gazuara që përmbajnë sheqer të shtuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
