Së shpejti do të jeni në gjendje të rezervoni fluturime përmes aplikacionit Uber  - Business Magazine Albania

Së shpejti do të jeni në gjendje të rezervoni fluturime përmes aplikacionit Uber 

Uber

Kompania po teston projektin pilot në tregun e saj në Mbretërinë e Bashkuar. Kompania e rideshare njoftoi të mërkurën planet e saj për t’u bërë një “super aplikacion”, duke lejuar përdoruesit të rezervojnë trena, avionë dhe autobusë në tregun e saj në Mbretërinë e Bashkuar deri në fund të vitit. 

Nëse gjithçka shkon mirë, kompania planifikon të zgjerojë shërbimin në tregje të tjera. 

Automjetet nuk do të zotërohen drejtpërdrejt nga Uber, por në vend të kësaj aplikacioni do të ofrojë shitës të palëve të treta dhe shërbime me qira që do të integrohen në aplikacionin Uber, partnerët specifikë të palëve të treta që do të shpallen në muajt e ardhshëm. 

“Ju keni qenë në gjendje të rezervoni udhëtime, biçikleta, shërbime me varka dhe skuter në aplikacionin Uber për disa vite, kështu që shtimi i trenave dhe autobusëve është një progres i natyrshëm,” tha në një deklaratë për CNBC, menaxheri i përgjithshëm i Uber UK, Jamie Heywood. “Gjatë këtij viti ne planifikojmë të inkorporojmë fluturimet, dhe në të ardhmen hotelet, duke integruar partnerë kryesorë në aplikacionin Uber për të krijuar një përvojë të qetë udhëtimi derë më derë.” 

Lexoni: Rivali i Uber në Europë e rriti vlerën me 50% në pesë muaj. Synon zgjerimin edhe te industria ushqimore

Uber kishte testuar helikopterët në tregun amerikan në vitin 2019, duke ofruar udhëtime me shofer nëpërmjet aplikacionit në një helikopter që do t’i çonte klientët nga Manhattan në aeroportin JFK gjatë orëve të zgjedhura nga e hëna deri të premten. 

Kompania njoftoi gjithashtu këtë javë se njerëzit në qytetin e New York do të jenë në gjendje të rezervojnë taksi të verdha direkt përmes aplikacionit Uber, duke ofruar tarifa që janë drejtpërdrejt të krahasueshme me atë që një person do të paguante për një udhëtim tipik UberX. 

Uber, së cilit iu hoq liçenca e operimit në Londër dy herë (në 2017 dhe 2019), së fundmi rifitoi një liçencë 30-mujore nga qyteti evropian pasi u gjykua se shërbimi i kalonte të gjitha standardet rregullatore dhe të sigurisë. 

“Përmes teknologjisë, burimeve dhe përvojës sonë kolektive, ne mund t’i ndihmojmë agjencitë e transportit publik të ndërtojnë infrastrukturën e tyre aktuale dhe afatgjatë të softuerit për menaxhimin e lëvizshmërisë bazuar në nevojat e tyre në ndryshim të komunitetit,” tha Uber në një dokument të botuar nga kompania në 2021. Sot jemi në një udhëkryq ku transporti publik ka nevojë dëshpërimisht për ide të reja, teknologji, struktura kostoje dhe mënyra furnizimi për ta bërë sistemin e lëvizshmërisë më të qëndrueshëm financiarisht dhe më të mirë për të gjithë.” 

/entrepreneur

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0