Programet e mediave sociale janë vazhdimisht duke evoluar në aftësitë e tyre të reklamimit me qëllim rritjen e të ardhurave. Pinterest së fundmi ka mundësuar “Promoted Video Ads”; Facebook është duke eksperimentuar me reklama gjatë transmetimeve live. Tani dhe WhatsApp i është bashkuar kësaj përleshje.
Në një postim në blog të publikuar sot, WhatsApp njoftoi se është duke ndryshuar kushtet e tij. Ndër të tjera, ai është duke planifikuar të ndajë numrat e telefonit të përdoruesve të tij dhe të përdoren në Facebook, kompania e tij mëmë.
Gjigandi i komunikimit me mesazhe do të lejojë bizneset të njoftojnë përdoruesit e WhatsApp me informacion të shërbimit, si dhe të dërgojë reklama. Këto ndryshime, kanë për qëllim testimin e mënyrave që njerëzit të komunikojnë me bizneset. Edhe pse nuk është krejtësisht e papritur, lajmi është disi luhatës, pasi qëndron kundër paktit që dy kompanitë bënë dy vjet më parë, kur Facebook bleu kompaninë. Në atë kohë, çdo firmë tha se do të vazhdojë të operojë në mënyrë të pavarur.
Nga këto ndryshime do të përfitojnë bizneset, pasi kjo gjë hap rrjetin e tyre në më shumë se 1 miliardë përdorues të WhatsApp. “Facebook mund të ofrojë kështu sugjerime më të sakta miqësie dhe t’ju tregojë reklamat më të rëndësishme nëqoftëse ju keni një llogari me ta. Për shembull, “ju mund të shihni një reklamë nga një kompani që ju tashmë punoni me të”, thuhet në postim. Përdoruesit duhet të bien dakord me kushtet e reja dhe “privacy policy ” para se ndryshimet të hyjnë në fuqi, por WhatsApp do t’u japë atyre mundësinë për të zgjedhur mbi ndarjen e informacionit të tyre me Facebook.
Burimi: Shkruar nga Guadalupe Gonzales dhe publikuar në inc.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English