Sara Lamçe, studentja shqiptare që po habit SHBA-në » Business Magazine Albania – Media Dixhitale dedikuar Sipërmarrjes
Përditësuar së fundmi: 02/12/2018

Sara Lamçe, studentja shqiptare që po habit SHBA-në

Share
nga Anerola Torollari
Dhj 02, 2018
Studied at Faculty of Science, Content Editor Biznesi at Business Magazine
lexo me teper >

“Biokimistja e jashtëzakonshme nga Shqipëria e vogël është duke zbatuar me sukses projekte të jashtëzakonshme për krijimin e barnave të reja proteinike për trajtimin e sëmundjeve të ndryshme, duke përfshirë Alzheimer.”

Kjo është fraza që shkruajti buletini i fundit shkencor i Laboratorit Kombëtar Los Alamos për shkencëtaren shqiptare Sara Lamçe, e diplomuar për Biokimi në SHBA. Los Alamos është laboratori ku u ndërtua bomba e parë atomike në botë që u përdor në Luftën e Dytë Botërore.

Lexoni: Kuzhinierët e shtëpisë, kryefjala e aplikacionit LaPiat

Ajo është diplomuar në biokimi dhe është bërë e njohur në rrethin shkencor në SHBA.

Arritjet e saj tashmë i kanë tejkaluar kufijtë e Laboratorit Kombëtar të Los Alamos B-11, ku ajo ka bërë hulumtimet e saj të njohura dhe ka ndërmarrë rrugën e projektit për t’u zbatuar në praktikë.

Sara është diplomuar në biokimi dhe fillimisht ka bërë kërkime në kiminë kompjuterike në Universitetin Seton Hall në New Jersey, ku ka bërë prezantime të shumta dhe me zbulimet e saj interesante ka fituar disa çmime.

Ajo ishte një nga pesë studiuesit që u vlerësuan shumë për prezantimet e tyre kërkimore shkencore që kualifikoheshin në Simpoziumin e 5 Marsit të vitit 2018 në Qendrën Freedom Science dhe po punon për të zhvilluar këto zbulime në Departamentin e Laboratorit të Energjisë në New Meksiko duke i dhënë jetë një projekti që mbështet industrinë e biokarburanteve.

Lexoni: Ja si mendon t’i lidhë shqiptarët në botë Mark Kosmo

Sukseseve të biokimistëve nga Shqipëria, faqja zyrtare e Kolegjit të Arteve dhe Shkencës, “Seton HALL University” u ka kushtuar disa artikuj në të cilët veçon kontributin e saj në këtë çështje shumë të ndjeshme në shoqërinë amerikane dhe botërore.

/ocnal.com