Kuzhinierët e shtëpisë, kryefjala e aplikacionit LaPiat


 

Nuk mund të shkosh askund në Toronto pa u bombarduar nga reklamat dhe bisedat për aplikacionet që shpërndajnë ushqim, si UberEats, JustEat apo Foodora.

Kjo e bëri Arbër Pucin të mendojë: “Ka kaq shumë fast food në këto aplikacione. Po sikur njerëzit të duan ushqime të gatuara në shtëpi?”

Që prej muajit prill 2017, Puci 33 vjeç, dhe skuadra e tij e vogël kanë punuar ditë e natë për të zhvilluar aplikacionin LaPiat, i cili lidh shefat në Toronto me klientë të cilët kërkojnë të blejnë ushqime të gatshme. Aplikacioni zyrtarisht u lançua në qershor 2018.

Lexoni: LaPiat, Startup-i nga Toronto ju fton të shisni ushqimet që gatuani nga kuzhina juaj

Kuzhinierët kanë formime të ndryshme, dhe ofrojnë një shumllojshmëri pjatash përtej atyre që shërbehen zakonisht në restorante. “Me LaPiat, ju gjithashtu bëni zgjedhje më të shëndetshme në një pjesë të çmimit të artikujve të restorantit,” thotë Puci gjatë një interviste.

“Sot të drekosh jashtë është e kushtueshme, dhe aplikacioni ynë ju lejon të njiheni më shefat që përgatisin ushqimin që po bleni.”

Modeli i biznesit të LaPiat merr 10% të të gjitha transaksioneve.

LaPiat është gjithashtu i hapur për kompanitë e kateringut dhe kamionët e ushqimit, të cilët shpesh nuk kanë shpërndarës ose mundësi të drejtpërdrejta për t’u lidhur me klientët.

“Jemi shumë të lumtur që Toronto është qyteti ynë i lançimit,” tha Puci. “Është një qytet multikulturor me shefa të ndryshëm që ofrojnë varietete pjatash, dhe kjo është diçka fantastike për ata që e duan ushqimin. Banorët e Torontos janë gjithashtu shumë mendje hapur ndaj shijeve dhe pjatave të reja.”

Një nga sfidat më të mëdha të skuadrës LaPiat është dëshira për të shtuar opsione të reja në aplikacion. “Ne duam të përmirësojmë produktin tonë dhe të sjellim gjëra të reja për klientët,” thotë Puci, duke theksuar se ata kanë në plan të përkthejnë shërbimet që aplikacioni ofron edhe në gjuhë të tjera, si përshembull Mandarin.

Puci thotë se ata duan gjithashtu të ofrojnë një mënyrë për konsumatorët që të kërkojnë ushqime nga kuzhinierët që admirojnë dhe respektojnë.

Sa herë që një aplikacion kuzhinier shtëpie si LaPiat nis, në Kanada apo gjetkë, rriten dyshimet rreth sigurisë së ushqimit. Restorantet përballen me inspektime të vazhdueshme dhe duhet të zbatojnë rregulla rigoroze. Puci thotë se kuzhinierët e shtëpive do të duhet të jenë të hapur për t’u inspektuar, dhe konsumatorët gjithashtu mund të vlerësojnë kuzhinierët dhe të lënë komente, njësoj si në eBay dhe Amazon.

Ajo që Puci gjen si plotësim në drejtimin e këtij biznesi është “ajo ndjenja e një startup-i”. Unë punoja në sektorin e energjisë ku gjithçka lëvizte kaq ngadalë, nga ideja tek zhvillimi, por me kompaninë tënde, çdo ditë ka një sfidë të re dhe unë me të vërtetë e shijoj këtë mënyrë jetese me ritme të shpejta “.

Puci thotë se LaPiat do të zgjerohet në qytete të tjera më vonë këtë vit, dhe synon të grumbullojë 1600 kuzhinierë që kontribuojnë me gatimet e tyre. Aktualisht aplikacioni ka 700 kuzhinierë shtëpiak dhe profesionistë të tjerë.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale