Samsung ka pranuar se hacker-at kanë akses në të dhënat personale të klientëve me bazë në Mbretërinë e Bashkuar gjatë një shkeljeje njëvjeçare të sistemeve të saj.
Zëdhënësja e Samsung, Chelsea Simpson, që përfaqëson kompaninë nëpërmjet një agjencie të palëve të treta, tha se Samsungu ishte paralajmëruar kohët e fundit për një incident sigurie që rezultoi në marrjen e informacioneve të kontaktit të disa klientëve të dyqaneve elektronike të Samsung në Mbretërinë e Bashkuar në mënyrë të paligjshme.
Samsung u tha klientëve të prekur se hacker-at mund të kenë akses në emrat, numrat e telefonit, adresat postare dhe adresat e emailit të tyre.
“Asnjë të dhënë financiare, si detajet e kartës bankare ose të kreditit apo fjalëkalimet e klientëve, nuk u ndikua,” tha zëdhënësi i Samsung, duke shtuar se kompania e kishte raportuar këtë çështje në Zyrën e Komisionerit të Informacionit të Mbretërisë së Bashkuar (ICO).
Zëdhënësja e ICO-së, Adele Burns konfirmoi se rregullatori i mbrojtjes së të dhënave në Mbretërinë e Bashkuar është në dijeni të incidentit dhe do të bëjë hetime.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
