Samsung Note 8 pritet të lançohet gjatë muajit gusht
Përditësuar së fundmi: 14/08/2017

Samsung Note 8 pritet të lançohet gjatë muajit gusht

Share
nga Neada Muçaj
Gus 14, 2017

Gjigandi aziatik Samsung pritet të lançojë smartphone-in ‘flagship’ të radhës, Note 8.

Më parë ishte raportuar se smartphone-i do të dilte diku nga vjeshta e këtij viti, por burime të brendshme flasin për një lançim në javën e fundit të muajit Gusht.

Rëndësia e datës së lançimit është shumë e madhe, pasi edhe Apple pritet të lançojë iPhone-in e radhës në vjeshtë.

Samsung po përpiqet të përfitojë nga rasti duke e lançuar Note 8-ën më përpara.

Note 8 është më shumë se thjesht një smartphone tjetër për Samsung. Ky smartphone vjen pas një skandali mbarë-botëror që ndodhi me Note 7 dhe me shpërthimet e tyre.

Note 8 pritet të ketë një ekran 6.3-inç, dy kamera mbrapa, një proçesor Snapdragon 835, 6GB RAM, 64GB memorie dhe një bateri 3,300mAh.

samsung-note-8-pritet-te-lancohet-gjate-muajit-gusht-businessmag

samsung-note-8-pritet-te-lancohet-gjate-muajit-gusht-businessmag

/TechRadar