Duket se trendi i këtij viti do të jenë telefonat që palosen. Samsung ka prezantuar së fundmi punimin e tij Galaxy Fold, në eventin Galaxy Unpacked në San Francisko. Tani e kemi më të qartë çfarë është një Samsung Galaxy Fold.
Lexoni: Telefoni që paloset nga Samsung, shumë shpejt në treg
I pajisur me një ekran Infinity Flex, Galaxy Fold ka përmasa 4.6 inch të ekranit normal, ndërkohë pasi hapet ai shtohet me një ekran 7.3 inch. Është dizenjuar për të qenë një pajisje e lehtë për të mbajtur dhe me një dorë. Rezolucioni i ekranit është 2152 x 1536 pixel.
Memoria e tij është 512 GB, dhe mund t’i lexojë të dhënat aq shpejt sa telefonat e tjerë. Samsung Galaxy Fold ka dy bateri në brendësi, në secilën pjesë të pajisjes. Bateria është 4,380 mAh.
Samsung ka punuar me komunitetin e zhvilluesve të Google dhe Android për të përfshirë aplikacione si WhatsApp, Microsoft Office, dhe Youtube.
Ekrani është kaq i madh sa mund të punohet me tre aplikacione njëkohësisht. Ju mund të shihni një video, t’i shkruani dikujt për të dhe ndërkohë të navigoni dhe në web.
“Galaxy Fold është një paisje ndryshe nga çdo model i prezantuar më parë,” thotë Justin Denison, zëvendës presidenti i marketingut pranë Samsung. “Është një pajisje që transformohet në smartphone, tablet dhe kamera.
Samsung Galaxy Fold zotëron 6 kamera. Tre në pjesën e pasme, një kamera e dyfishtë anën e djathtë të ekranit Infinity flex dhe një kamera teke sërish në pjesën e përparme.
“Telefoni që paloset” vjen në katër ngjyra: E zezë, Gri, e Gjelbër dhe Blu.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
