Samsung ka befasuar duke prezantuar një mënyrë të re për të bashkëvepruar me një smartphone. “Shortcut Sneaker”, ju lejon të kryeni veprimet e telefonit pa prekur pajisjen tuaj. Thjesht lëvizni këmbët në një mënyrë të caktuar dhe telefoni do të aktivizohet vetë.
Përpara se të entuziasmoheni së tepërmi për të aksesuar këtë teknologji të re, për të kontrolluar telefonin tuaj me këpucë, kini parasysh se këto atlete janë jashtëzakonisht të limituara. Ato janë aq të kufizuara sa Samsung bëri vetëm gjashtë palë prej tyre për t’ua dhënë anëtarëve të Samsung në një konkurs në Holandë. Kjo do të thotë se nuk do të jeni në gjendje të blini një palë, të paktën jo nga Samsung.
Atletet lejojnë lëvizje të ndryshme për të nisur veprime të ndryshme në një telefon. Ato kanë sensorë lëvizjeje në tabanin e tyre që gjurmojnë pozicionin e tyre në lidhje me njëra-tjetrën. Kur aktivizohet një lëvizje e caktuar, ajo dërgon sinjalin në telefon për të kryer një veprim të caktuar. Falë përdorimit të AI që rregjistrojnë nga njerëzit që bëjnë lëvizje kërcimi, sensorët janë në gjendje të dallojnë me saktësi lëvizjet e qëllimshme nga lëvizjet e natyrshme, të përditshme. Roel van Hoff projektoi pamjen dhe ndjesinë e supozuar të atleteve dhe frymëzimi për to ishte nga Rruga e Qumështit. Natyrisht, kjo përshtatet mjaft mirë edhe me markën e Samsung.
Për ata në Holandë që janë anëtarë të Samsung, periudha gjatë të cilës do të bëhet dhurimi i tyre zgjat deri më 9 korrik 2024.
Nëse nuk jeni në atë shtet, ju mund të kontrolloni faqet e rishitjeve së atleteve si StockX dhe eBay për të parë nëse një nga ato palë bëhet e disponueshme në një moment në të ardhmen.
Nëse zhvillimi i prototipit të tyre rezulton funksional, ka gjithmonë një shans të hapur që Samsung të prodhojë në masë atletet si ato. Ndërkohë deri atëherë, ju mund të udhëtoni në Holandë, të regjistroheni në një llogari të Anëtarëve Samsung dhe të shpresoni të jeni një nga fituesit me fat të tyre.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
