Samsung bashkon forcat me Star Wars™ për një bashkëpunim festiv

Samsung bashkon forcat me Star Wars™ për një bashkëpunim festiv



Samsung Electronics njoftoi në një deklartë nisjen e një edicioni special Galaxy Note10+ Star Wars<i, pjesë të një bashkëpunimi festiv me Lucasfilm, përpara lançimit teatral të Star Wars: The Rise of Skywalker, më 20 Dhjetor 2019. Partneriteti do të bashkojë dy Galaktikat, një Galaktikë nga shumë, shumë larg dhe Samsung Galaxy, për të dhuruar edhe më shumë entuziazëm për filmin final të sagës Skywalker.

Për të nderuar këtë ngjarje, Samsung do të lançojë një model të veçantë Galaxy Note 10+, ku paraqiten elemente të dizajnit dhe përmbajtje dixhitale të frymëzuara nga Star Wars. Kjo pajisje do të vijë me një kapak të dizajnuar posaçërisht, një distinktiv metalik si send koleksioni, një S Pen dhe Galaxy Buds. Paketa gjithashtu vjen me përmbajtje ekskluzive me temë nga Star Wars, që përfshin Wallpapers, animacione, ikona dhe tinguj për fansat.

“Produktet Samsung Galaxy janë të projektuara për të ndjekur pasionet e gjithësecilit, dhe fansat e Star Wars janë disa nga fansat më të apasionuar,” tha Stephanie Choi, Zv. Presidente dhe Drejtoreshë e Departamentit të Marketingut të Komunikimeve Telefonike të Biznesit në Samsung Electronics. “Ne jemi gjithmonë në kërkim të mënyrave të reja për të përmirësuar përvojën në celular, dhe me Star Wars: Rise of Skywalker që vjen në kinema këtë Dhjetor, ne pamë mundësinë e përsosur për të bashkuar pajisjet më të mira Galaxy me tregimin më të mirë në galaktikë.”

Lexo: Samsung thyen kufijtë e inovacionit

Edicioni Special Galaxy Note10 + Star Wars™ do të jetë në dispozicion në tregjet e përzgjedhura duke filluar nga 10 Dhjetori 2019. Kjo është vetëm një nga nismat që Samsung dhe Lucasfilm kanë planifikuar të sjellin si një përplasje emocionuese të dy Galaktikave. Siç njoftoi Lucasfilm në fillim të Tetorit, Samsung ka bashkuar forcat me Star Wars për të angazhuar përdoruesit e saj të apasionuar me pajisjet e saj më të mira dhe markën Galaxy në një mënyrë të re dhe ekzaltuese. Që prej lançimit të tij në fillim të këtij viti, Galaxy Note10 + ka fuqizuar miliona njerëz në mbarë botën të jenë më produktivë dhe të shfrenojnë kreativitetin e tyre. Si një pajisje futuriste, Galaxy Note10+ kombinon dizajn mahnitës dhe performancë të fuqishme me mjete produktiviteti dhe teknologji profesionale të kamerës, që ndihmojnë përdoruesit të shfrytëzojnë sa më shumë çdo moment. Duke lançuar Galaxy Note10+ Star Wars™, Samsung shpreson të frymëzojë fansat e Star Wars në të gjithë botën për të shfrytëzuar sa më shumë çdo moment. Pajisja e edicionit special i shtohet bashkëpunimit midis Samsung dhe Lucasfilm i cili përfshin filmin e fushatës festive të lançuar së fundmi, që feston debutimin teatral të Star Wars: The Rise of Skywalker.

Samsung dhe Star Wars po synojnë të krijojnë një sezon festash plot gëzim dhe pa stres, si pjesë të bashkëpunimit të tyre të veçantë për festat. Për të filluar fushatën, Samsung dhe Star Wars kanë publikuar një video me në qendër një qen me një ngjashmëri të habitshme me personazhin ikonik të Star Wars, Chewbacca, si dhe një personazh tjetër që superfansat e Star Wars padyshim që do ta njohin në fund të videos. Historia e filmit të fushatës ka të bëjë me një familje që përdor pajisje Galaxy për të komunikuar lehtësisht me pajisjet e tyre për të realizuar dëshirat e festave. Me ekosistemin e lidhur të Galaxy Note10, Note10 +, Watch Active2 dhe Tab S6, filmi tregon se gjëra të mahnitshme bëhen të mundura. Filmi përmban një numër referimesh nga universi Star Wars, që superfansat do t’i shijojnë. Do të jetë një sfidë argëtuese të zbuloni se sa elemente të fshehur janë paraqitur në film.

Rreth Galaxy Note10+ Star Wars™ 
Samsung Electronics Business Mobile feston debutimin e Star Wars: The Rise of Skywalker me një bashkëpunim të veçantë siç është Galaxy Note10+ Star Wars Special Edition që tregon një botë të lidhur të mundësuar nga Galaxy. Për më shumë detaje në lidhje me telefonin special edition të Star Wars, ju lutemi vizitoni https://www.samsung.com/us/mobile/galaxy-note10/star-wars-special-edition/

Lexo: Samsung feston ditëlindjen e 50-të

Rreth Samsung Electronics 
Samsung frymëzon botën dhe modelon të ardhmen me idetë dhe teknologjitë e tij transformuese. Kompania po ridimensionon botën e televizorëve, smartfonëve, pajisjeve që mbahen në trup, tabletëve, aparateve dixhitale, sistemeve të rrjetëzimit dhe memorieve, sistemeve LSI, zgjidhjeve teknologjike dhe LED. Për të rejat më të fundit, ju lutemi vizitoni faqen e risive më të fundit të Samsung në adresën http://news.samsung.com.

STAR WARS TM dhe pronat e referuara janë marka tregtare dhe/ose të drejtat e autorit në Shtetet e Bashkuara dhe vendet e tjera, të Lucasfilm Ltd dhe/ose bashkëpunëtorët e saj. © & TM Lucasfilm Ltd.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0