Pallate të lashta, dete të kristalta dhe plazhe të pazbuluara me çmime të përballueshme ekspertët tanë të udhëtimit rekomandojnë destinacionet më të mira për pushime në vitin 2026, shkruhet në një artikull në të përditshmen britanike “Saga”.
Po kërkoni alternativa të përballueshme për të kaluar pushimet tuaja në vitin 2026, ekspertët e “Saga Holidays” ju sugjerojnë shtatë destinacionet kryesore për të vizituar këtë vit. Nëse ju pëlqejnë aventurat e guximshme në një vend të largët apo një vendpushim i qetë diku më familjar, këto shtatë destinacione të rekomanduara ofrojnë diçka për çdo lloj vizitori!
Shqipëria
Shqipëria rekomandohet si një nga destinacionet më të mira për pushime në vitin 2026, falë plazheve të pazbuluara, ujërave ngjyrë bruz dhe çmimeve të përballueshme. Ekspertët e udhëtimit e kanë krahasuar Shqipërinë me Kroacinë. Shqipëria po bëhet me shpejtësi një nga vendet më të njohura në Evropë. Vendi i bukur mesdhetar i ka të gjitha nga plazhet te kultura bizantine por me një çmim të shkëlqyer.
Lexo edhe: Kina godet BE-në me tarifa deri në 42,7% për importet e produkteve të qumështit
Vendet kryesore përfshijnë:
Plazhet me ujërat ngjyrë bruz të Ksamilit – të cilin mund ta vizitoni duke bërë një udhëtim me traget nga Korfuzi.
Berati – i njohur si “Qyteti i një mbi një dritareve” është i famshem për arkitekturën e tij osmane dhe shqiptare.
Gjithashtu, mos humbisni një vizitë në kryeqytetin plot jetë të Shqipërisë, Tiranën.
Ndërsa popullariteti i Shqipërisë rritet, kjo është koha e përkryer për ta eksploruar atë përpara se vendi të përfshihet nga turizmi masiv.
Pse duhet ta vizitoni Shqipërinë në vitin 2026?
Interesi për Shqipërinë vazhdon të rritet, ku sipas një raporti, turizmi u rrit me 5% në fillim të vitit 2025 krahasuar me të njëjtën periudhë të vitit 2024.
Shqipëria është aktualisht një nga vendet më të lira në Evropë. Vendi mesdhetar tërheq turistë nga e gjithë bota falë akomodimit, ushqimit dhe transportit cilësor dhe të përballueshëm.
Revista britanike përveç Shqipërisë ka rendtitur edhe Italinë, Japoninë, Indinë, Afrikën e Jugut, Kosta Rika dhe Uzbekistanin si destinacione që duhen vizituar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
