Sa herë shani turizmin shqiptar, lini pa bukë një familje

Sa herë shani turizmin shqiptar, lini pa bukë një familje

turizmin shqiptar

Nga Flora Xhemani Baba

Turizmi ynë ka probleme të thella. Por nuk i ka vetëm sektori privat, prandaj çalon aq shumë. I ka në të gjitha drejtimet. Ne ende nuk dimë të bëjmë turizëm se jemi foshje që po rritet nga prindër të papërgjegjshëm.

Kur fqinjët tanë, Greqia, Mali i Zi, Kroacia, Turqia, mësonin sesi bëhej turizmi, ne ishim në diktaturë. Kur ne dolëm nga diktatura, ata e kishin forcuar praktikën dhe e kthyen në traditë. Kur ne gjetëm lirinë dhe na u desh një dorë e fortë e shtetit që të orientonte turmën e dalë nga vatha, që s`kishte asnjë haber se si bëhej turizmi dhe ekonomia, qeveria e mbushi vendin me banane dhe me kioska.

Kur turizmi u rrit si bimë e egër, askush nuk i hodhi një pikë ujë, një krasitje, nuk i vuri një hu, që të rritej pemë e drejtë. Edhe sot pas tridhjetë vjetësh mungojnë plotësisht politikat e turizmit dhe është absolutisht e pamundur të edukosh investuesit që i kanë hedhur ato lekë drejt e nga duart me kallo ose nga kontrabanda dhe lekët e pista, që të mësojnë si të bëjnë turizëm.

Kush diti dhe deshi të mësonte, e bëri mirë, kush nuk diti dhe nuk deshi, bëri atë që kemi sot në 70% të rasteve, që fatkeqësisht dominojnë pannoramën. Po a nuk është mëkat të çosh dëm mundin e atyre qindra bizneseve që janë invesuar familjarisht, që punojnë 24 orë, që me një sezon dymujor duhet të hanë gjithë vitin, kur shajmë turizmin tonë?

A e dini që dëmi i vërtetë u bëhet pikërisht atyre që punojnë me djersë dhe jo hoteleve VIP që shahen, por që kanë aq shumë biznese nga pas, saqë nuk u prishet shumë puna nëse u bien xhirot nga komentet negative? Nëse Dhërmiu pastron paratë, shërben me arrogancë dhe të vjedh, mos shkoni t`i çoni turistët në ato biznese që pastrojnë paratë dhe që e kanë të shkruar në ballë, çojini në hotele familjare që punojnë familjarisht e që gjithashtu e kanë të shkruar në ballë.

Duhet të dini gjithmonë diçka: Sa herë që shani një destinacion turistik në Shqipëri, keni lënë pa bukë bizneset e mesme dhe dhe të vogla se ato të mëdhatë nuk i kanë hotelet burime jetese, por pjesë të zinxhirit të bizneseve. Nuk bëhet turizmi me fletërrufe.

Kërkoni llogari me takt atje ku zgjidhni të shkoni. Dhe nëse nuk ju pëlqen, ikni. Dhe nëse nuk doni të ikni, informohuni. Vetëm kështu do ta bëjmë turizmin.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0