Kur jam duke udhëtuar nëpër botë për të vizituar bizneset tona Virgin, së bashku më gruan time dhe miq të ftuar, unë gjithmonë e mbyll ditën me një darkë të denjë.
Tavolina e darkës është vendi i duhur për diskutime dhe të qeshura pafund. Nuk e di se sa shumë ide janë diskutuar në tavolinën e darkës në ishullin Necker, disa prej të cilave tani po e drejtojnë Virgin të ecë përpara.
Kur unë udhëtoj, më pëlqen të ftoj për darkë njerëz të fushës së biznesit dhe njerëz që e duan ndryshimin, në mënyrë që të mësoj më shumë rreth mjedisit kulturor dhe social të vendeve ku Virgin operon. Është shumë e rëndësishme për mua si drejtues biznesi të vendos gishtin atje ku duhet dhe të di për çfarë po flas.
Pas darkës, më pëlqen të zhvendosem në një vend të qetë me një filxhan çaj dhe të shkruaj ndonjë email të shpejtë apo të futem në rrjetet sociale. Kur e mbyll ditën duke lexuar feedbackun e njerëzve në Facebook, Twitter dhe Instagram ndihem i përulur. Por unë sigurohem të largohem nga bota dixhitale përpara se të fle gjumë, në mënyrë që truri im të freskohet.
Nëse kam më shumë kohë, unë lexoj ose shoh ndonjë dokumentar, për t’u relaksuar dhe për të shlodhur trurin për një gjumë më të mirë. Dritat fiken në orën 11. Zakonisht më nevojiten pesë deri në gjashtë orë për të qenë sa më produktiv.
/Virgin
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
