Rrugëtimi. “Kur mbyllet një derë, një portë hapet”. Historia sfiduese dhe frymëzuese e Arben Malajt

Rrugetimi

Kush e njeh prof. Arben Malajn, do të kuptojë pas leximit të librit “Rrugëtimi” se nuk e njihte mjaftueshëm. Po! Ish ministri i Financave, ish Anëtar i Këshillit Mbikëqyrës të Bankës së Shqipërisë, profesor i Financë-Kontacilitetit, por mbi të gjitha profesori frymëzues i studentëve vjen nga një familje e madhe me nëntë motra e vëllezër. A e dinit se prof. Malaj ka bërë shkollën e mesme të natës (siç quhej atëherë), për të cilën i duhet të bëntë 4-5 orë rrugë çdo ditë?! Por në të njëjtën kohë, ai ka bërë dy shkollë. E dyta është puna.

Që në shkollë të mesme Malaj angazhohet me punë, në role të ndryshme në fermën e Llakatundit, ku rrethohet nga ekonomistë e drejtues, nga të cilët mësoi shumë. Në librin e tij, Rrugëtimi. “Kur mbyllet një derë, një portë hapet”, Prof.Malaj vë theksin tek ngjarjet dhe zhvillimet sfiduese, të cilat asnjëherë nuk e penguan të shohë më tej dhe të bëjë më shumë. Edhe pse ndër studentët me rezultate të shkëlqyera në universitet dhe pjesë e programeve të universitetit të Harvardit, së pari Malaj e gjeti frymëzimin dhe forcën tek mësuesit e asaj shkollës së natës. Po mësuesit e sotëm sa po frymëzojnë nxënësit?! Nëse lexoni këtë libër do të kuptoni ndikimin e madh që njerëzit mund të bëjnë tek ju, sigurisht nëse ju jeni të gatshëm për të mësuar. “Rrugëtimi” është një libër që u vlen atyre që duan të bëjnë karrierë në institucionet publike, që duan të angazhohen në politikë, vlen për ata që duan të jenë lider në sipërmarrjet e tyre, vlen për ata që duan të jenë lider të jetës së tyre.

Lexo: Henry Kisinger: Sfida historike për udhëheqësit është të menaxhojnë krizën ndërsa ndërtojnë të ardhmen

Ka disa parime që lidhen me integritetin, të cilat vlejnë në çdo rast dhe për çdonjërin. Në momentet e tij më të vështira, ai sjell në mendje këto parime, duke iu referuar mësuesve dhe liderëve ndërkombëtarë.

Libri sjell detaje rreth ngjarjeve më të rëndësishme në jetën e tij familjare, profesionale dhe politike, por ndërkohë ndan shumë thënie të nxjerra nga përvoja jetësore.

Ja 5 këshilla të nxjerra nga libri:

1- “Kërkojuni ndihmë mësuesve dhe profesorëve tuaj. Ndani me ta ambiciet tuaja. Fitoni respektin dhe mbështetjen e tyre. Ajo është mbështetja më e mirë, më e sinqertë dhe më e dobishme. Me mbështetjen e mësuesve, profesorëve dhe mentorëve akademikë apo politikë çdo ambicie është e arritshme”.

2- “Sado të talentuar të diplomoheni, ju duhet të pranoni të filloni të punoni në çdo nivel që ju ofrohet në një kompani. Arritjet e suksesshme në shkollë janë një pikënisje shumë e mirë, por e pamjaftueshme. Ju duhet të rriteni profesionalisht duke punuar dhe duke fituar vlerësimin dhe mbështetjen që vjen nga puna juaj e përditshme në një kompani apo institucion dhe jo thjesht nga lista e notave”.

3- “Në Tiranë mbetesh pas, jo se të gjithë ecin ngadalë, por sepse mund të të mungojë vizioni, mund të të mungojë përkushtimi, mund të të mungojë ambicia për të avancuar në jetën tënde të përditshme”.

4- “Shteti bëhet shumë i ashpër, shumë i fortë dhe arrogant edhe atëherë kur është realisht i dobët”.

5- “Parandalimi i krizave nëpërmjet reformave të thella strukturore, mbetet kura më e mirë edhe për sëmundjet e ekonomisë dhe financave”.

Ju mund ta blini librin në disa librari, ose e porosisni në kontaktin më poshtë.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale