Rrjeti 4G në Hënë, NASA firmos kontratë me Nokia-n

Rrjeti 4G

Së shpejti, astronautët në misionet e hënës nuk do të kenë asnjë justifikim për të mos iu përgjigjur mesazheve.

NASA dëshiron që astronautët të kenë një mënyrë efikase dhe të qëndrueshme për të komunikuar me njëri-tjetrin dhe për këtë ka firmosur një kontratë me Nokia-n.

Agjencia Hapësinore tha se Nokia do të ketë në dispozicion 14.1 milionë dollarë për të ndërtuar një rrjet celular 4G/LTE në Hënë. Përmes këtij rrjeti astronautët mund të komunikojnë me njëri-tjetrin gjatë eksplorimit të sipërfaqes. Gjithashtu, do të ishte një mënyrë komunikimi mes agjencisë dhe anijes hapësinore.

Lexoni: NASA do të dërgojë gruan e parë në Hënë

Kontrata është pjesë e një financimi me vlerë 370 milionë dollarë nga NASA, ku një pjesë e madhe shkuan për SpaceX dhe United Alliance.

Plani i Nokia është të ndërtojë një rrjet 4G / LTE, dhe përfundimisht të kalojë në 5G (ashtu si ne të tjerët). Do të jetë “sistemi i parë i komunikimit LTE / 4G në hapësirë”, sipas njoftimit të NASA-s. Rrjeti është ndërtuar për të qenë kompakt dhe efikas, si dhe “i projektuar posaçërisht për t’i bërë ballë temperaturës ekstreme, rrezatimit dhe kushteve të vakumit të hapësirës”.

Sipas UPI, NASA tha në një transmetim të drejtpërdrejt se rrjeti do të shtrihej në anije kozmike dhe do të ndihmonte në zhvillimin e teknologjisë së përshtatshme për Hënën. Ende nuk ka detaje rreth afatit kohor të këtij projekti.

I gjithë plani është në mbështetje të qëllimit të NASA-s për të pasur një bazë në Hënë deri në vitin 2028, tha administratori i NASA-s, Jim Bridenstine në transmetim. Fundja, pa internet si do të ishin në gjendje astronautët, të postonin në Instagram ecjen në Hënë ?!

Mashable

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale