Të dhënat e 690 mijë shqiptarëve kanë rrjedhur nga sistemi shtetëror, duke shkaktuar një furtunë në mjedisin social të vendit dhe duke nisur hetim nga Prokuroria e Tiranës.
Pista kryesore që po dyshohet është pikërisht infiltrimi i brendshëm dhe një gabim njerëzor nga punonjësit që kanë pasur akses në këto të dhëna.
Të dhënat, të cilat po qarkullojnë në telefonta e shumicës së qytetarëve përfshijnë numrin e kartës së identitetit, rrogën mujore në kompaninë, ku janë punësuar, numri i targave të makinës dhe personi që e ka në pronësi mjetin.
Përtej skandalit që ka shkaktuar kjo rrjedhje e të dhënave dhe fenomeneve sociale, të cilat u vunë re, tashmë këto të dhëna mund të përdoren nga çdo qytetar edhe për të shuar kuriozitetin e tyre, në lidhej me jetën private të dikujt tjetër.
Mario Margegaj një ekspert IT ka përpunuar një aplikacion, i cili me një skanim të targës së makinës tuaj nxjerr pronarin dhe të gjithë të dhënat e tjera që kanë dalë në shesh.
Kjo ide ka marrë shumë shikime dhe klikime në rrjet, duke marrë edhe pëlqimin e shumë njerëzve, që tashmë në duart e tyre mund të kenë informacionin e nevojshëm për çdo qytetar që mund të kenë përballë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
