Bordi i Transparencës së ushqimeve ka vendosur çmimet tavan për 4 produktet e shportës si vaji, orizi, sheqeri dhe mielli. Çmimet janë ndjeshëm të rritura krahasimisht me ato të caktuara një javë më parë dhe ndërkohë që vihet re një vlerë e lartë e vajit të lulediellit, i cili është produkt tërësisht importi.
Kështu, sipas vendimit të Bordit të Transaparencës dhe Monitorimit të Çmimeve të Tregtimit me shumicë/pakicë të produkteve ushqimore bazë dhe produkteve të tjera të lidhura, këto produkte duhet t’i ofrohen konsumatorit familjar në markete me çmime jo më të larta se: 321 lekë/litër për vajin e lulediellit; 90.5 lekë/kg për miellin masiv; 104 lekë/kg për orizin kokërrgjatë (1 kg); 123 lekë/kg për sheqerin (1 kg).
Lexoni: Çmimi i naftës rritet sërish. Shkon në 233 lekë
Gjithashtu Bordi i Transparencës vendosi miratimin e marzheve që do të aplikohen për këto produkte ushqimore bazë, si pasojë e situatës së veçantë të krijuar nga rritja e çmimeve ndërkombëtare.
Vetëm një javë më parë, pikave të tregtimit me pakicë u kishte shkuar një urdhër me çmimet tavan të shitjes, i cili për vajin është përcaktuar 305 lekë/kg, miellin e vendit 99 lekë për kg, orizin bazik kokërr gjatë 95 lekë për kg dhe sheqerin 99 lekë për kg.
Ky vendim hyri në fuqi në datë 05.04.2022 dhe është i detyrueshëm për të gjitha subjektet që tregtojnë me shumicë/pakicë produktet e përcaktuara në këtë vendim.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
