Rregullat e reja për udhëtimet drejt Greqisë

Rregullat e reja për udhëtimet drejt Greqisë

Greqi

Sot hyjnë në fuqi rregullat e reja për të kaluar nga Shqipëria drejt Greqisë. Për të kaluar nga dogana e Kakavijës dhe Kapshticës, qytetarët duhet të kenë me vete certifikatën e kryerjes së testit COVID-19, jo më të vjetër së 72 orë nga dita e udhëtimit dhe rezultati duhet të jetë negativ.

Pala greke ka kërkuar që ky testim të jetë kryer nga ISHP ose nga çdo klinikë apo spital i certifikuar nga shteti. Kjo certifikatë e kryerjes së testit Covid-19 duhet të përmbajë të dhënat personale të personit, numrin e pasaportës ose të kartës greke, rezultatin negativ të testit, emrin e institucionit ku është kryer testimi, adresën, numrin e telefonit, si dhe të jetë e përkthyer në gjuhën angleze.

Lexoni: Lista e shteteve ku mund të udhëtojnë shqiptarët dhe kushtet përkatëse

Gjithashtu, qëndron në fuqi edhe aplikimi i formularit online PFL. Prej 17 gushtit, nga dogana e Kakavijës lejohet të kalojnë vetëm 750 persona në ditë, ndërsa nga Kapshtica 300 persona në ditë, nga ora 06:00 deri në orën 22:00.

Policia e Shtetit sqaron se do të lejohen të hyjnë në Republikën e Greqisë shtetasit që kanë leje qëndrimi greke ose shtetësi greke, punëtorët sezonalë, si dhe çdo shtetas që ka marrë konfirmim nga autoriteti përkatës.

“Nuk do të lejohet asnjë qytetar që ka destinacion final Greqinë të udhëtojë në drejtim të këtyre pikave pa pasur dokumentacionin e nevojshëm”, njofton Policia e Shtetit.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0