Roboti i cili shpreh monologun e brendshëm të vendimmarrjes - Business Magazine Albania

Roboti i cili shpreh monologun e brendshëm të vendimmarrjes

Ne përdorim monologun e brendshëm, ku flasim me veten, për të vlerësuar situatat dhe për të marrë vendime më të sigurta. Një robot është trajnuar të thotë me zë të lartë procesin e tij të brendshëm të vendimmarrjes, duke na dhënë një pamje të qartë të mënyrës se si i jep përparësi kërkesave sfiduese.

Arianna Pipitone dhe Antonio Chella nga Universiteti i Palermo në Itali, programuan një robot humanoid me emrin Pepper, i bërë nga SoftBank Robotics në Japoni, me softuer që modelon proceset njohëse të njeriut, si dhe një përpunues që kthen tekstin në të folur. Kjo e lejoi Pepper të shprehte procesin e tij të vendimmarrjes gjatë përfundimit të një detyre. 

Lexo: Teknologjia cloud po transformon shërbimet publike

-“Me monologun e brendshëm, ne mund të kuptojmë më mirë se çfarë roboti dëshiron të bëjë dhe cili është plani i tij”,- thotë Chella.

Softueri lejoi Pepper të marrë informacionin përkatës nga memoria e tij dhe të gjejë mënyrën e duhur për të vepruar bazuar në komandat njerëzore.

Studiuesit i kërkuan Pepper të shtronte një tryezë darke sipas rregullave të mirësjelljes që kishin koduar te roboti. Monologu i brendshëm u aktivizua ose u çaktivizua për të parë se si ndikonte në aftësinë e Pepper për të bërë atë që kërkohej.

Kur u udhëzua të vendoste një pecetë mbi një pirun me të folurin e brendshëm të aktivizuar, Pepper pyeti veten se çfarë kërkonin rregullat e mirësjelljes dhe arriti në përfundimin se kjo kërkesë ishte kundër rregullave që i ishin dhënë. Më pas i pyeti studiuesit nëse vendosja e pecetës në pirun ishte veprimi i duhur. Kur i thanë se ishte veprimi i duhur, Pepper tha: “Në rregull, unë preferoj të ndjek dëshirën tuaj” dhe shpjegoi se si do të vendoste pecetën mbi pirun.

Kur iu kërkua të bënte të njëjtën detyrë pa shprehur fjalimin e brendshëm, Pepper e dinte që kjo kundërshtonte rregullat e mirësjelljes, kështu që nuk e kreu detyrën dhe nuk shpjegoi pse.

“Monologu i brendshëm” është vetëm një program themelor aktualisht, thotë Pipitone. “Në këtë moment, është një rrëfim i procesit të Pepper”,- thotë ajo.

“Me potencialin që robotët të bëhen më të zakonshëm në të ardhmen, ky lloj programimi mund të ndihmojë publikun të kuptojnë aftësitë dhe kufizimet e tyre”,- thotë Sarah Sebo në Universitetin e Çikagos. “Ajo ruan besimin e njerëzve dhe mundëson bashkëpunime dhe ndërveprime të përsëritura midis njerëzve dhe robotëve”,- thotë ajo.

Sidoqoftë, ky eksperiment përdori vetëm një pjesëmarrës njerëzor, thotë Sebo. “Është e paqartë se si qasja e tyre do të ndryshonte në një gamë të gjerë të pjesëmarrësve njerëzorë”,- thotë ajo.

Lexo: ”Green pass” gati në 1 qershor, çfarë është certifikata për të udhëtuar lirisht

Pipitone thotë se të dëgjosh një robot që shpreh procesin e tij të vendimmarrjes rrit transparencën midis njerëzve dhe robotëve. Kjo mund të ketë aplikime në detyra bashkëpunuese, të tilla si ato me robotë mjekësorë dhe për të dalë nga situatat e ngërçit me robotët. “Mund të jetë shumë e rëndësishme të kuptohet përse një robot arrin në një vendim në vend të një tjetri”,- thotë ajo.

NewScientist

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0