LG do të zbulojë një version të ri të telefonit të saj V30, në Mobile World Congress këtë vit dhe siç thonë zërat do të ketë një kamera, e cila funksionon nëpermjet inteligjencës artificiale (AI). Kompania koreane ka zhvilluar ‘’Vision AI’’ për t’i bërë kamerat më të mençura dhe më të thjeshta për t’u përdorur. Vision AI mund të analizojë në mënyrë automatike se çfarë je duke fotografuar dhe mund të rekomandojë mënyrën më të mirë të shkrepjes, midis 8 opsioneve (portret, ushqim, kafshë, panoramë, qytet, lule, agim and perëndim). Mund të rregullojë ngjyrat dhe këndet e objekteve, çdo reflektim në afërsi si dhe ndriçimin e hijet për të krijuar imazhin më të mirë të mundshëm.
AI ka edhe disa aftësi për shopping. Mund të skanojë imazhin ose të skanojë kodet QR për të treguar se ku mund të blini produktin të cilin po fotografoni, duke treguar edhe çmimet më të ulëta. Në vazhdim, Vision AI, mat zbehtësinë e fotos në ndriçim të ulët dhe ndriçon pjesë të caktuara të imazhit, që kanë më tepër rëndësi.
Së bashku me kameran e re, LG do të prezantojë edhe një Voice AI së bashku me Google Assistant. Do të shtohen komanda të reja zanore, shumica e të cilave janë të lidhura me Vision AI. Mund t’i kërkosh Voice AI që të shkrepësh foto në mënyra të ndryshme, panorama, perëndim apo ndriçim i ulët, mund të kërkosh imazhe në mënyre zanore e kështu me radhë.
LG thotë se këto janë thjeshtë bazat e përdorimit të teknologjisë artificiale në telefonin e saj V30. Nuk është bërë e ditur se kur do të zbulohen të reja të tjera, por do të mësojmë më shumë për këtë në fund të muajit shkurt.
burimi: engadget.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
