RISE: Lançimi i Programit për Sipërmarrësit e Rinj për Ndryshimin e Ballkanit Perëndimor

RISE: Lançimi i Programit për Sipërmarrësit e Rinj për Ndryshimin e Ballkanit Perëndimor

RISE

BALLKANI PERËNDIMOR – Projekti RISE do të mbështesë mbi 200 sipërmarrës të rinj nga Shqipëria, Bosnja dhe Hercegovina, Kosova*, Mali i Zi, Maqedonia e Veriut dhe Serbia, në zhvillimin e ideve të bizneseve sociale. Përmes një serie workshopesh, programesh mobiliteti dhe mbështetjes financiare, të rinjtë do të gëzojnë mundësinë për të mësuar, për t’u rritur, zhvilluar idetë e tyre të biznesit dhe në të njëjtën kohë të ndihmojnë në zgjidhjen e problemeve të komuniteteve të tyre lokale.

Të rinj sipërmarrës nga Ballkani Perëndimor, të cilët janë gati për të sjellë një ndryshim do të kenë një oportunitet për të aplikuar dhe përfituar nga programi i Rrugëtimit RISE që prej Gushtit, kohë e lançimit të thirrjes së hapur për aplikime. Pjesëmarrja në projektin RISE zhvillon aftësitë e të rinjve dhe kontribuon në punësimin e tyre.

RISE (Inkubatori Rajonal për Sipërmarrësit Social) synon të pasurojë ekosistemin e sipërmarrjes sociale të Ballkanit Perëndimor dhe t’u mundësojë të rinjve të zhvillojnë zgjidhje sociale inovatore njëkohësisht duke kontribuar në pajtimin dhe bashkëpunimin në rajon. Një ndryshim pozitiv në Ballkanin Perëndimor është i mundur, ndërkohë që stabiliteti dhe prosperiteti mund të arrihen vetëm përmes përqafimit të pajtimit dhe bashkëpunimit në rajon.

Projekti promovon dialogun dhe bashkëpunimin mes aktorëve dhe mes territoreve përmes mobilitetit të pjesëmarrësve të tij, organizimit të trajnimeve rajonale, workshopeve dhe eventeve, gjithashtu edhe krijimin e një rrjeti të vërtetë sipërmarrësish të rinj. Ky është një projekt 3 vjeçar i cili ka nisur në 1 Tetor 2019 dhe po implementohet përgjatë 6 vendeve të Ballkanit Perëndimor.

Për të mësuar më shumë mbi këto mundësi mund të vizitoni: www.risewb.org si dhe faqeve përkatëse në Facebook, Instagram dhe Linkedin.

Mbi projektin

Projekti RISE zhvillohet dhe monitorohet prej një konsorciumi të përbërë nga Regional Youth Cooperation Office (RYCO), GROUPE SOS Pulse, South East European Youth Network (SEEYN), Institut Francais, dhe Franco-German Youth Office (OFAJ), dhe implementohet nga gjashtë inkubatorë lokal: ARNO, Balkan Green Foundation, Nesto vise, Smart Kolektiv, IEC Tehnopolis dhe Yunus Social Business.

Objektivi i përgjithshëm i RISE është të përqafojë pajtimin në Ballkanin Perëndimor përmes promovimit dhe fuqizimit të sipërmarrjes sociale në rajon. Projekti hap hapësira të reja pajtimi për të rinjtë e Ballkanit Perëndimor, përmes një programi rajonal të mbështetjes së sipërmarrjes sociale.

Ky projekt është i bashkëfinancuar nga French Development Agency (AFD) dhe Regional Youth Cooperation Office (RYCO).

Mbi sipërmarrjen sociale

Një sipërmarrje sociale është një operator në ekonominë sociale, objektivi kryesor i së cilit është të ketë një impakt social më shumë se sa të gjenerojë fitim për pronarët ose aksionerët e tij. Ai operon duke siguruar të mira dhe shërbime për tregun në një mënyrë sipërmarrëse dhe inovatore dhe përdor fitimet e tij kryesisht për të mbërritur objektivat social. Ai menaxhohet në një mënyrë të hapur dhe të përgjegjshme dhe në veçanti përfshin punonjës, klientë dhe aktorë të prekur prej aktiviteteve të veta tregtare.

[*] Ky emërtim nuk paragjykon pozicionet mbi statusin dhe është në përputhje me Rezolutën 1244 të UNSCR dhe Opinionin e ICJ mbi Deklaratën e Pavarësisë së Kosovës.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0