Së fundi, Banka e Shqipërisë ka vendosur të mbajë sërish të ulët normën bazë të interesit në 1.25%. Kjo do të shfrytëzohej nga bankat për një normë të ulët të interesit të depozitave. Por, të dhënat e fundit të Bankës së Shqipërisë tregojnë se bankat kanë rritur interesat e depozitave gjatë muajit mars, si në monedhën vendase edhe në euro.
Në lekë interesat e depozitave me maturim një vjeçar sigurojnë një normë interesi prej 1%, ndërsa në euro, norma e interesit është 0.13%. Këto shifra janë më të larta se një muaj më parë, por edhe krahasuar me një vit më parë.
Megjithë rritjen, duhet theksuar se depozitimi afatshkurtër i parasë sot nuk është zgjidhja më e mirë, pasi norma e inflacionit është më e lartë se ajo e depozitave me maturim një vjeçar.
Banka e Shqipërisë pritet të mbajë të ulët normën bazë të interesit deri në fund të këtij viti. Kjo paralajmëron se në një të ardhme të shpejtë normat e interesit do të fillojnë të rriten, kryesisht për kreditë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
