“Mjeshtëro biznesin” është një event-trajnim tre ditor me përvojë ndërvepruese që do t’ju ndihmojë të kuptoni faktorët bazë që ndikojnë në rritjen e biznesit tuaj dhe si t’i mjeshtëroni dhe implementoni ato menjëherë për sukses në biznes. Tregu me dinamikat e tij i vendos sipërmarrësit nën trysninë e marrjes së vendimeve të duhura në një kohë sa më të shkurtër. Kjo bëhet e mundur vetëm falë harmonizimit të njohurisë së përditësuar, mendësisë së duhur, sistemeve, mjeteve dhe përvojës. “Mjeshtëro Biznesin” është një program dijesh, parimesh, bindjesh dhe praktikash që e mundëson këtë.
PËR KË ËSHTË I VLEFSHËM “MJESHTËRO BIZNESIN”?
Për të gjithë sipërmarrësit apo drejtuesit e bizneseve që janë përkushtuar me mish e shpirt për t’i çuar kompanitë e tyre në një nivel të paarritur më parë dhe për ata që aspirojnë të bëjnë sukses në botën e biznesit.
Ky program është i vlefshëm për ty nëse:
Kërkon të rritësh të ardhurat dhe të zgjerosh biznesin tënd
Synon të kesh konsumatorë besnikë për brandet e tua
Do të krijosh një mentalitet, filozofi dhe kulturë suksesi
Kërkon të krijosh apo të përditësosh strategjinë e biznesit tënd
Ke nevojë të mësosh më shumë rreth inovacionit, marketingut dhe shitjes
Do të aplikosh sisteme dhe mjete që do të rrisin eksponencialisht fitimet e tua
Dëshiron të mësosh më shumë rreth menaxhimit, lidershipit dhe motivimit
Kërkon të mësosh si të marrësh vendime më të mira dhe më shpejt
Kërkon më shumë njohuri mbi pasqyrat financiare
Do të mësosh rreth transformimit dixhital, rrjeteve sociale dhe shitjeve online
Do të dish si të analizosh numrat për blerjen apo shitjen e një biznesi
Je duke punuar aktualisht në një biznes
Po mendon të nisësh një biznes të ri
Je gati të mësosh si ta drejtosh me sukses biznesin tënd, edhe pa qenë fizikisht aty.
Lexo edhe:Vasil Naçi, mentori që mblodhi dhe frymëzoi mbi 1500 njerëz me “Rruga drejt Suksesit”
PSE NJË PROGRAM PËR BIZNESIN NGA VASIL NAÇI?
Vasili është një sipërmarrës i cili ka themeluar dhe është aksioner në mbi 15 kompani të suksesshme me aktivitet në Shqipëri dhe Ballkanin perëndimor.
Vasili përvojën e tij 33 vjeçare në biznes e ka pasuruar me mësim të parreshtur nga ekspertët më të mirët në nivel global. Autor dhe bashkëautor i dhjetë librave me tema për suksesin në biznes dhe zhvillimin personal.
Motivues, folës publik, inspirues, trajnues në AGNA Leadership Academy.
Ideator i event-trajnimit më të madh në rajon “Rruga Drejt Suksesit” dedikuar suksesit personal dhe profesional.
Është nominuar disa herë si sipërmarrës i vitit. Vasili renditet ndër 10 sipërmarrësit më të pasur dhe me më shumë influencë në Shqipëri.
Kompanitë e tij punësojnë më shumë se 1,600 persona.
MËSO & ZHVILLOHU EKSPONENCIALISHT
Njihu me praktikat më të mira falë të cilave mund të dallosh problemet ende të pazgjidhura, sfidat apo tendencat me të cilat përballet biznesi yt. Duke mjeshtëruar aftësinë e këqyrjes së biznesit përmes një prizmi më strategjik, do të zbulosh cilat janë prioritetet më urgjente dhe cfarë duhet të bësh që të përshpejtosh suksesin.
FUQIZO IDENTITETIN TËND
E ardhmja skalitet nga veprimet dhe identiteti yt aktual, e jo nga dëshirat e tua. Zbulimi, fuqizimi dhe përkujdesja për avantazhin tënd konkurrues është përcaktues në rrugëtimin drejt sukseseve të së ardhmes.
ZBULO SISTEMET MË EFIKASE
Biznesi është si një organizëm i gjallë ku mirëfunksionimi i çdo pjesë të tij është vendimtar për mbijetesën e deri tek lulëzimi i tij. Që kjo të ndodhë, krijimi dhe zhvillimi i sistemeve që garantojnë mjedis të shëndetshëm dhe nxitës për rritje është domosdoshmëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto