Imagjinoni një situatë ku anulloni çdo mbledhje a takim në kalendarët tuaj e më pas të vendosni vetëm ato që kanë rëndësi. Akoma më mirë, po sikur t’i planifikoni këto takime në kalendarin tuaj për vetëm aq kohë sa kërkohet të përfundojnë?
Nuk keni nevojë ta hamendësoni përgjigjen. Asana është një kompani që merret me menaxhimin e punës, e cila bëri një eksperiment të tillë.
Rezultatet: Disa takime u zhdukën, ndërsa disa takime 30 – minutëshe u shndërruan në 15 minuta. Në total, njerëzit arritën të kursejnë një mesatare prej 11 orësh në muaj – pra, 3 javë e gjysmë orësh pune në vit!
Çfarë mund të mësojmë nga kjo? Ka nje arsye të qartë, sigurisht: Ne planifikojmë shumë takime. Megjithëkëtë, ky nuk është një informacion i ri.Kështu, konkluzioni real pas këtij eksperimenti është se nisja nga fillimi ka vlerë të madhe. Shpeshherë i jetojmë jetët tona dhe punojmë bazuar në precedentë. Bëjmë këtë, sepse gjithmonë kemi bërë diçka analoge.
Po sikur të jemi duke grumbulluar gabime që kanë nisur në të shkuarën? Nuk do ta dinim asnjëherë, gjë që shpjegon përse në axhendat tona ka takime dhe mbledhje për të treguar gjendjen e punës së një ekipi për të cilat nuk ka askush nevojë, por që nxisin nevojën për të lënë të tjera takime për të saktësuar gjendjen e punës, derisa e gjejmë veten kaq të angazhuar në përditësimin e gjendjes së punës, sa askush nuk po punon!
Ka një zgjidhje cliché për këtë: Mund të pyesësh: “Përse po bëhet kjo?”
Në rast se përgjigja është: “Bëhet, sepse kjo është mënyra që është bërë gjithmonë,” atëherë është koha për të bërë një ndryshim.
Eksperimenti i kompanisë Asana sygjeroi që pjesëmarrësit ta rindërtonin ditën e tyre nga fillimi, në vend që të tentonin të riorganizonin ditën që kishin planifikuar. Kështu, ata u përqëndruan në ç’duhet të bënin në të tashmen, ne vend që të kalonin kohë duke reflektuar mbi gabimet që mund të kishin bërë në të shkuarën në organizimin e ditës së tyre.
Në këtë mënyrë, që t’i lejojmë krijimet tona të kenë sukses, duhet të jemi të gatshëm edhe t’i rindërtojmë ato, deri në mikro-nivele. Kështu, provojeni. Pyeteni veten: “Nëse dua të arrij të plotësoj të gjitha pritshmëritë e mia për ditën e sotme, çfarë mund të ndërtoj që të më afrojë me qëllimin tim?”
Kjo e fundit është ajo ç’ka duhet të ndërtoni fill pas këtij mendimi.
Përktheu dhe përshtati Aja Cela
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
