Reklama e Apple për Krishtlindje: Prekëse dhe plot emocion!

Apple e festoi Ditën e Falënderimeve duke prezantuar reklamën e saj të festave “Heartstrings” një reklamë që thekson tiparet e reja të shëndetit të dëgjimit në AirPods Pro 2 dhe nxjerr në pah tema si aksesueshmëria dhe humbja e dëgjimit.

Reklama është e disponueshme në YouTube, ku është shikuar më shumë se 1.4 milion herë, dhe në X ku ka 17.7 milion shikime. Ju mund ta shihni KËTU.

Reklama thekson AirPods Pro 2 dhe tiparet e reja të shëndetit të dëgjimit që u prezantuan me lançimin e iOS 18.1. “Heartstrings” është reklama e parë e Apple që shfaq hapur tema të aftësisë së kufizuar. Reklama tregon një familje që hap dhurata mëngjesin e Krishtlindjeve. Babai, që tregohet duke përjetuar humbje dëgjimi, qëndron në heshtje ndërsa tingujt e zhurmës së letrës dhe bisedave mbushin dhomën. Momenti bëhet prekës kur ai vendos AirPods dhe vajza e tij fillon të luajë kitarë akustike, duke shfaqur klipet nostalgjike të fëmijërisë së saj. Ai dëgjon gjithçka të plotë për herë të parë. CEO i Apple postoi: “Jam shumë krenar për ekipet e Apple që po zhvillojnë teknologji të fuqishme. Këto teknologji po përmirësojnë jetën e njerëzve. Funksioni i Ndihmës për Dëgjim në AirPods Pro 2 përdor profilin tuaj të personalizuar të tingullit. Kështu, mund të dëgjoni momentet që kanë rëndësi.”

Lexo edhe: A po planifikon Apple krijimin e një televizori që do të ndryshojë gjithçka?

Përdoruesit në X e kanë pritur pozitivisht reklamën, duke lavdëruar teknologjinë dhe tonin emocional. Një përdorues tha: “Kjo është një nga reklamat më të mira. Si baba i dy fëmijëve 3 dhe 6 vjeç, që kam disa probleme dëgjimi, kjo është emocionuese.” Një tjetër tha: “Pjesa më e mirë është që Apple Airpods dyfishojnë ndihmën e dëgjimit pasi ka më pak stigmë se sa aparatet e dëgjimit. Po ashtu, butoni që çaktivizon të gjithë tingujt është fantastik.” Të tjerë theksuan se reklama kishte prekur zemrat e të gjithëve: “Zot, me të vërtetë po përpiqeni të shkaktoni dhimbje shpirtërore me këtë reklamë, apo jo?” Disa përdorues e lavdëruan reklamën për faktin se nuk kishte “helm woke”, duke e quajtur atë “reklamë normale, jo woke.” Njëkohësisht dhe duke lavdëruar CEO-n për “kuptimin e dallimit mes patriotizmit dhe woke.”

AirPods Pro Apple, versioni i dytë, ofrojnë përmirësime të shumta krahasuar me paraardhësit e tyre. Ata kanë çipin H2, që përmirëson cilësinë e audios dhe anulimin aktiv të zhurmave (ANC). Mënyra Adaptive Transparency lejon përdoruesit të ulin intensitetin e zhurmave. Gjithashtu, kontrollet me prekje lejojnë rregullimin e lehtë të volumit. Jeta e baterisë është zgjeruar deri në 6 orë dhe kutia e karikimit tani ka një altoparlant të integruar.

Me AirPods Pro 2, Apple ka prezantuar tipare të reja të shëndetit që synojnë përdoruesit me humbje të perceptuar të dëgjimit. Këto përmirësime përfshijnë funksionin e Aparatit të Dëgjimit me standard klinik, një Test Dëgjimi dhe Mbrojtje Aktive të Dëgjimit. Funksioni i Aparatit të Dëgjimit lejon që AirPods Pro 2 të funksionojnë si aparate dëgjimi pa recetë. Përdoruesit mund të kryejnë një test dëgjimi që gjeneron një profil të personalizuar dëgjimi të ruajtur në aplikacionin Health. Ky profil personalizon amplifikimin e tingujve në kohë reale, duke përmirësuar qartësinë gjatë bisedave dhe gjatë dëgjimit të mediave.

Testi i integruar i Dëgjimit përdor audiometrinë e tingujve të pastër për të vlerësuar aftësinë e dëgjimit. Përdoruesit mund ta përfundojnë këtë test për pak minuta dhe rezultatet ruhen në Health. Të dhënat mund të ndahen gjithashtu me ofruesit e kujdesit shëndetësor për konsultime të mëtejshme.

Newsweek