Refuzimi i një gruaje për të hequr dore edhe pas një dekade të mbushur me dështime solli vaksinat e para të COVID-19 - Business Magazine Albania

Refuzimi i një gruaje për të hequr dore edhe pas një dekade të mbushur me dështime solli vaksinat e para të COVID-19

Në vitin 1985, shkencëtarja hungareze Katalin Karikó dhe burri i saj u transferuan në Shtetet e Bashkuara me vetëm 1,200 dollarë të fshehur brenda arushit së vajzës së tyre. Karikó kishte studiuar një fenomen të ri të njohur si RNA Messenger (jep informacionin e koduar në një ose më shumë gjene nga ADN në ribozom), ose mRNA, që nga vitet 1970 dhe mori një ofertë për të vazhduar kërkimet e saj në Universitetin Temple në Filadelfia.

Karikó besonte me pasion se mRNA përfundimisht mund të përdoret për të luftuar sëmundjet. Sidoqoftë, vizioni i saj u hodh poshtë vazhdimisht si tepër utopike për të përfituar grante qeveritare, për të siguruar fonde private, apo edhe për të bindur shumë kolegë të saj të bashkoheshin në aventurën e saj. Ajo kaloi vitet e para të karrierës së saj duke grumbulluar letra refuzimi, edhe pasi u bashkua me fakultetin e Pensilvanisë në 1989.

Në 1995, pasi punoi për gjashtë vjet në UPenn, Karikó u ul në detyrë. Ajo kishte qenë në rrugën e duhur, por për shkak se puna e saj rreth mRNA nuk ngjalli interes dhe financimet ishin minimale, nuk u pa e arsyeshme për të investuar në pozicionin e saj.

Përpos problemeve në aspektin profesional, ajo u përball edhe me sëmundjen e kancerit në 1995 dhe burri i saj ishte bllokuar në Hungari, duke luftuar për të zgjidhur çështjen e vizës. “Zakonisht, në atë pikë, njerëzit thjesht i thonë lamtumirë dhe largohen sepse është kaq e tmerrshme,” u shpreh Karikó në një intervistë . “Mendova të shkoja diku tjetër, ose të bëja diçka tjetër. Unë gjithashtu mendova se mbase nuk jam mjaft e aftë, jo aq e zgjuar sa duhet ”.

Ajo që e bëri Karikón të vazhdonte ishte besimi i saj i patundur te mARN dhe siguria e saj se gjithçka që duhej të bënte ishte të bashkonte të gjitha pjesët e mozaikut së bashku në mënyrën e duhur. La pas problemet dhe rifilloi punën në eksperimentet e reja me mARN.

Një nga sfidat me mARN sintetike ishte ndjeshmëria e saj ekstreme ndaj mbrojtjes natyrore të trupit të njeriut. Nëse administrohet për të trajtuar qeliza specifike, ajo ka të ngjarë të shkatërrohet para se të arrijë destinacionin e synuar ose të shkaktojë një përgjigje të dëmshme.

LEXO: Njihuni me profesorin e Harvardit, i cili u bë miliarder falë Coronavirus

Përfundimisht, pas provave dhe gabimeve të gjata, Karikó dhe bashkëpunëtori i saj afatgjatë, imunologu i UPenn, Drew Weissman, ja dolën. Pasi korrigjuan një të metë në hulumtimet e tyre të mëparshme, ata publikuan studimin. Publikimi tërhoqi vëmendjen e dy shkencëtarëve në dy vende të ndryshme. Të dy shkencëtarët, më vonë themeluan kompani në Shtetet e Bashkuara dhe Gjermani nën emrin Moderna dhe BioNTech,.

BioNTech, në partneritet me Pfizer dhe Moderna kanë krijuar vaksinat e para të aprovuara COVID-19 që administrohen sot bazuar mbi teknologjinë mARN. Këto vaksina janë një dritë në fund të tunelit në këtë pandemi shkatërruese. Karikó aktualisht është zv-presidente e BioNTech në mbikëqyrjen e studimeve rreth mARN.

Karikó kishte të gjitha arsyet të hiqte dorë nga kërkimet e saj. Në vend të kësaj, ajo nisi një përparim shkencor që tani mban potencialin për të shpëtuar miliona jetë.  Pse disa njerëz janë të gatshëm të luftojnë përmes pengesave, shpesh duke vënë gjithçka në rrezik, kur shanset e suksesit janë minimale? Si mund të përcaktojmë se cilat beteja të luftojmë dhe kur duhet të heqim dorë ?

Duke rishikuar shumë histori si kjo, është vërejtur që njerëzit që kanë tendencë të qëndrojnë kundër pengesave më të mëdha ose janë dashuruar me problemin që po zgjidhin dhe / ose besojnë se rezultati i mundshëm ia vlen, sepse mund të japë një kontribut domethënës për njerëzimin ose të përmisojë jetën e të tjerëve.

Shpjegimi i mëparshëm është ai që i bën ata kureshtarë dhe të gatshëm të vazhdojnë të provojnë ditë për ditë. Në rastin e Katalin Karikó, ajo pa diçka të jashtëzakonshme te mARN dhe u argëtua me gjetjen e zgjidhjeve për pengesat rreth eksperimentit të saj.

Nëse jeni duke u përpjekur të vendosni nëse do të vazhdoni ose jo, kur jeni hasur në dështime të përsëritura, mund të dëshironi të pyesni veten nëse ju pëlqen të përpiqeni të zgjidhni problemin dhe vlerën e ndikimit nëse është i suksesshëm.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0