Meta lëshoi gjeneratën e dytë të syzeve të saj Ray-Ban në tetor. Ngjashëm me modelin e parë, ato ju lejojnë të kapni video, të bëni fotografi, të bëni telefonata përmes telefonit tuaj dhe të dëgjoni muzikë.
Altoparlantët janë 50% më të zhurmshëm, sipas Metës. Ekziston gjithashtu një aparat fotografik më i mirë, që nxjerr foto në modalitetin e portretit në vend të peizazhit, gjë që i bën ato më të përshtatshme për postimet në mediat sociale.
Ja çfarë duhet të dini për syzet inteligjente Ray-Ban Meta
Syzet Ray-Ban Meta tregtohen për të treguar se ato mund të mbahen çdo ditë ashtu si një palë syze dielli të zakonshme. Meta dhe Ray-Ban padyshim e realizuan këtë aspekt. Ato janë të rehatshme për t’u veshur dhe peshojnë vetëm disa gram më shumë se syzet e zakonshme Ray-Ban.
Janë të përshtatshme edhe nëse doni të bëni fotografi në moment pa pasur nevojë të nxirrni telefonin tuaj. Thjesht shtypni një buton në anën e djathtë të syzeve ose thoni: “Hej Meta, bëj një foto”.
Fotografitë ose videot mund të importohen shumë lehtë në aplikacionin Meta View te një telefon dhe më pas mund t’i ruash në listën e kamerës.
Është e dukshme për të tjerët kur jeni duke bërë një foto ose video. Rrethi në anën e djathtë të syzeve pulson kur bëni një foto apo filmoni, kështu që do të ishte e vështirë të bëni një foto, ose video pa e vënë re dikush.
Kjo është një veçori e rëndësishme që syzet Ray-Ban Meta të përfshihen në shoqërinë kryesore. Njerëzit përreth jush e dinë kur jeni duke regjistruar. Nuk mund të bllokosh as dritën dhe të bësh një foto. Syzet do të refuzojnë të nxjerrin foton nëse provoni.
Për mos të harruar pjesën e audios, e cila është mbresëlënëse. Ndërkohë që mund të jesh duke dëgjuar muzikë, arrin te ndjesh pa krijuar efekt bezdisës apo shqetësues, zhurmat rreth teje. Për të ndalur dhe rifilluar muzikën mund të prekësh një herë në anën e djathtë të syzeve dhe për të rregulluar volumin mjafton të rrëshqasësh gishtin.
Syzet funksionojnë mirë edhe për thirrjet telefonike. Marrësit përgjithësisht nuk ankesa për cilësinë e audios. Biseda është e qartë dhe mund të pranohen telefonatat hyrëse duke trokitur dy herë në anën e djathtë.
Përsa i përketë jetëgjatësisë së baterisë ato marrin afërsisht katër orë jetëgjatësi të baterisë për përdorim të përzier, që është një kombinim i të gjitha veçorive që ofrojnë syzet, por kjo mund të ndryshojë në varësi të asaj se sa me kursim ose jo i përdorni ato.
Së fundmi, syzet janë rezistente ndaj ujit, por jo të papërshkueshëm nga uji, kështu që duhet të jeni të kujdesshëm në mot me shi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
