Rama takim me përfaqësuesit e bizneseve të vogla

Rama takim me përfaqësuesit e bizneseve të vogla, nuk do të ketë rritje taksash


Kryeministri Edi Rama, në një takim me përfaqësues të biznesit i parapriu prezantimit publik të përfundimit të negociatave me FMN-në, duke deklaruar se nuk do të ketë rritje taksash dhe prekje të llogarisë kapitale.

“Mund të pararend ditën e nesërme, duke vënë theksin në dy aspekte: Së pari, nuk do të ketë rritje taksash, çfarë konfirmon se gjithçka është propaganduar për rënien e të ardhurave nuk ka lidhje me arsyet e gënjeshtërta që i janë servirur publikut, por gjendjen objektive të konjukturës ndërkombëtare si rritja e çmimit të naftës, mineraleve etj. Së dyti, nuk do të prekim llogarinë kapitale, pra do të vazhdojmë të investojmë”, tha Edi Rama.

Për kryeministrin Rama, një tjetër përgjigje ndaj atyre, që i quan pretendime të pavërteta se reformat e qeverisë nuk janë të duhurat, është përfundimi me sukses i operacionit të eurobondit.

“Pasi morëm atë që kërkonim në raport me eurobondin e vjetër, kemi një eurobond 450 mln euro dhe interes 5.75%, që është treguesi më kuptimplotë i punës dhe imazhit, që ka ndërtuar vendi në këtë rrugëtim”, tha më tej Edi Rama.

Por, në takimin që kishte në fokus rrugëtimin e qeverisë për të formalizuar ekonominë, biznesi ngriti shqetësimin e penalizimeve nga ana e tatimorëve për teknikalitete, si dhe kërkoi uljen e taksave.

“Në rast se ka kontrabandë shumë të lartë, të gjobitet me 10 mln edhe në burg të shkojë, por kur vlera është qesharake, të mos t’i lihet në dorë një tatimori të na çojë në dyert e prokurorisë”, tha Luan Bregasi.

“Taksa mbi dividentin, 15 për qind, është e çmendur. Të rishihet, përndryshe shteti bën ligjin, biznesi maliqin. Një tjetër taksë që vret konsumin është ajo mbi të ardhurat”, tha Donika Mici.

“Kush paguhet më shumë, paguan më shumë. Na ka rezultuar me sukses. Sa i përket taksës mbi dividentin vlen si propozim”, tha ministri Arben Ahmetaj.

Ministri i Financave, Shkëlqim Cani tha se, për të shmangur problemet me rimbursimin e TVSH-së, në Drejtorinë e Përgjithshme të Tatimeve është ngritur Drejtoria e Rimbursimit, e cila në rastet kur biznesi ka tepricë kreditore kryen rimbursimin e TVSH-së automatikisht.

Po ashtu, bizneset që do të çertifikohen fiskalisht nga auditues ndërkombëtarë, do të çertifikohen si biznese pa risk, duke shmangur kontaktin e drejtpërdrejtë me Tatimet.

Artikulli u publikua më parë nga Top-Channel.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0