Kryeministri Edi Rama, i shoqëruar nga ministrat Cani dhe Ahmetaj për më shumë se 60 minuta morën pjesë në një analizë për punën në Drejtorinë e Përgjithëshme të Doganave.
Burime nga kjo mbledhje i thanë Top-Channel se, që në fillim kryeministri u shpreh se pjesëmarrja e tij në këtë takim lidhej me “motivimin e të zgjedhurve të rinj në drejtimin e doganave shqiptare”.
“Askush prej jush tashmë që ka një detyrë të re nuk duhet të flejë mbi dafina”, citohet të ketë thënë kryeministri. Rama ka kërkuar rritje të performacës, por edhe përmirësimin e shërbimeve që i ofrohen biznesit.
Kryeministri ka paralajmëruar drejtuesit e rinj se, nëse situata me realizimin e planit nuk përmbushet, atëherë ndëshkimet nuk do të mungojnë.
Ndërsa drejtoresha e përgjithëshme e Doganave, Pranvera Fagu ka bërë një rezyme të shkurtër çfarë shkoi mirë dhe keq gjatë vitit 2015.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
