Je natyrë që të pëlqen pak (jo dhe aq pak) nga shpejtësia? Nëse ndodhesh në një udhëtim të gjatë pranë fëmijëve që qajnë pa ndalesë, atëherë po, me siguri e ndjen!
Por cilat janë avionët e pasagjerëve që do të të dërgonin më shpejt në destinacionin tënd? Në këtë artikull do të gjeni të renditur më të shpejtët në botë për vitin 2025, që nga klasikët e industrisë e deri tek raketat moderne që fluturojnë në kufijtë e hapësirës.
Lexo gjithashtu: Suksesi i vërtetë i AI janë njerëzit, mesazhet nga ‘Leadership Forum 6’
Vendos rripin dhe përgatitu për ngritje, po nisemi!
- Boeing 747-400 – 1056 km/h
Një legjendë e qiellit, në shërbim për mbi 35 vjet. Edhe pse tashmë vetëm një njësi komerciale mbetet aktive, kjo gjeneratë e famshme e 747 ishte për dekada simboli i udhëtimeve transatlantike.
- Boeing 777 – 1098 km/h
I njohur për efikasitet dhe kapacitet, ky “punëtor qiellor” mund të mbajë mbi 500 pasagjerë dhe të arrijë shpejtësi Mach 0.89. Dhe për më tepër, është ende në prodhim.
- Airbus A380 – 1098 km/h
Avioni më i madh i ndërtuar ndonjëherë për pasagjerë. Me dy kate të plota dhe kapacitet për mbi 800 persona, është një hotel fluturues që gjithashtu udhëton me shpejtësinë e erës.
Lexo gjithashtu: Fundi i punës 9 me 5? Parashikimi i Reid Hoffman që tronditi botën e punës
- Dassault Falcon 7X – 1111 km/h
Një xhet biznesi me tre motorë që bart 16 udhëtarë me luks dhe stil. Dizajni trijet është i rrallë, por jashtëzakonisht i fuqishëm dhe efikas në fluturime të gjata.
- Boeing 787 Dreamliner – 1111 km/h
Një emër i njohur në udhëtimet ndërkontinentale. Dreamliner nuk është vetëm komod dhe ekonomik, por edhe një nga më të shpejtët në llojin e vet.
- Boeing 747-8i – 1136 km/h
Modeli më i fundit i serisë 747, ky gjigant modern mbetet avioni komercial më i shpejtë me trup të gjerë në qarkullim. Madje, dy prej tyre janë duke u përgatitur për të qenë Air Force One e re.
Lexo gjithashtu: Pse Mark Zuckerberg mund të detyrohet të shesë Instagram dhe WhatsApp?!
- Gulfstream G700 – 1142 km/h
Një nga avionët privatë më të sofistikuar në botë. Me një çmim rreth 80 milionë dollarë, G700 ofron luks maksimal dhe shpejtësi marramendëse, duke fluturuar mbi shumicën e trafikut ajror.
Lexo gjithashtu: Fundi i punës 9 me 5? Parashikimi i Reid Hoffman që tronditi botën e punës
- Cessna Citation X+ – 1154 km/h
Me një kabinë të përmirësuar dhe motorë më të fuqishëm, kjo “raketë” biznesi për 12 pasagjerë është ndër më të shpejtët që mund të blesh, edhe pse prodhimi i saj ka ndalur që prej 2018.
- Bombardier Global 8000 – 1160 km/h
Gati për nisje në vitin 2025, ky xhet ultra-luksoz do të jetë arma sekrete e miliarderëve dhe CEO-ve që fluturojnë ndërmjet kontinenteve. Me një gamë fluturimi mbi 14,000 km dhe shpejtësi Mach 0.94, ky është luks me superturbo.
- SpaceShipTwo ‘Unity’ – 3704 km/h
Dhe më në fund… në një klasë më vete, raketë me pasagjerë! Virgin Galactic ka realizuar ëndrrën e udhëtimit në hapësirë për civilët. Unity fluturon deri në 90 km mbi Tokë me shpejtësi Mach 3. Një biletë? Vetëm $400,000 për një udhëtim 90-minutësh që përjeton zero gravitet dhe një pamje spektakolare të planetit tonë.
Shpejtësia nuk është më vetëm për pilotët luftarakë apo filmat e “Top Gun”. Në vitin 2025, çdo pasagjer me buxhetin e duhur mund të përjetojë shpejtësinë e zërit dhe përtej. Zgjidh avionin, gjej destinacionin… dhe fluturo si asnjëherë më parë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
