Rafaela Rica, kryeson mes sipërmarrësve ndikues në Europë, në botën e agjensive të marketingut


Rafaela Rica, drejtuesja e “Iceberg Communications” është shpallur nga revista prestigjioze “Kongres” si njeriu i dytë më ndikues në Europë në fushën e “Eventeve Kreative dhe Agjensive të Marketingut”. Përkrah disa emrave më të mëdhenj në Europë, Rafaela ia ka dalë që në vitin 2019 me agjensinë që ajo drejton, të renditet e dyta duke e futur kështu Shqipërinë ndër vendet më të zhvilluara dhe ndikuese në Europën Qëndrore dhe Jug-Lindore përsa i përket kësaj industrie.

Në vendin e parë është renditur Yemi A.D, kompani çeke, e cila ka zhvilluar disa nga fushatat e marketingut për kompani botërore si Coca-Cola, Mercedez-Benz, Adidas Originals, T-Mobile etj, me disa çmime ndërkombëtare ndër vite. Ndërkohë, Rafaela Rica duke u renditur e dyta, ka lënë pas agjensi nga vende të Europës dhe Ballkanit si Austria, Polonia, Kroacia, Sllovenia, Maqedonia e Veriut, Mali i Zi, Serbia etj.

Me mbi 20 vite në treg me kompaninë e saj, viti 2019 ka rezultuar edhe më i suksesshmi duke marrë një vlerësim ndërkombëtar për herë të parë për një kompani shqiptare. “Iceberg Communciations” është i njohur në Shqipëri për disa nga eventet më të rëndësishme që zhvillohen në Tiranë gjatë vitit, por edhe për dekoret tepër kreative të kryeqytetit shqiptar e më gjërë.

Kush e influencoi më shumë industrinë e eventeve në vitin 2019?

Edicioni i 5-të i Revistës “Kongres” në përzgjedhjen e “Njerëzve më me Influencë” për vitin 2019 sapo ka dalë, duke analizuar se kush e ka influencuar më shumë industrinë e eventeve kreative dhe agjensive të marketingut në Europën e Re, ashtu siç ata preferojnë ta quajnë.

Lexo: Si të bëheni një udhëheqës me ndikim

Bordi i revistës “Kongres” e ka filluar këtë kompeticion të përvitshëm që në 2014, duke futur në listë vazhdimisht njerëz dhe kompani marketingu me reputacion në të gjithë Europën. Në kompeticionin e këtij viti janë listuar 185 njerëz ndikues në Europë, pasi janë analizuar projektet e gjithësecilit në vendet e respektive. Ky klasifikim është bazuar në disa kritere shumë të rrepta siç janë: Arritjet në menaxhimin më të mirë financiar, inovacion në marketing dhe projekte të implementuar në mënyrë të suksesshme, përmirësimi i reputacionit të kësaj industrie, inovacion që lehtëson organizimin e eventeve, duke përcaktuar dhe të ardhmen e kësaj industrie.

Kompeticioni është bazuar në 1273 sondazhe dhe 5559 klikime/votime. Pas kësaj, revista Kongres ka përzgjedhur njerëzit më ndikues të cilët janë votuar nga lexuesit.  Revista Kongres është revista më presigjioze në fushën e agjensive të komunikimit dhe industrisë së eventeve në Europë dhe ky është viti i 5-të i këtij kompeticion.

Kongres Magazine

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale