Qeveria, ky nxënës i dobët - Business Magazine Albania

Qeveria, ky nxënës i dobët

~4 minuta lexim


Pas lëkundjeve të forta të tërmetit, disa fëmijë që nuk e duan shkollën, janë lutur që të nesërmen ta bëjnë pushim.

Ndërsa mundësia për tërmete në të ardhmen është tërësisht e pasigurt (ne nuk i parashikojmë dot tërmetet) sjellja e qeverisë dhe Ministrisë së Arsimit është ajo e një nxënësi të dobët. Zgjedh më të thjeshtën, të mbyllë shkollat. Me një vendim të vetëm, delegon të gjitha përgjegjësitë tek individi, familja.

Shkollat kanë oborre relativisht të mëdha, çka nuk gjenden në lagjet tona të mbipopulluara. Ndaj një prind do të ishte më i sigurtë nëse fëmija është në shkollë e në rast lëkundje del në ambient të hapur. Për më tepër, institucionet publike duhet të na japin pak më shumë siguri. Për atë paguhen nga taksat personale dhe të biznesit, nga Tatimi mbi të Ardhurat, Tatimi mbi Fitimin, Dividendi, tarifa e arsimit dhe shumë të tjera.

Lutjet e fëmijëve për pushime, kanë precedentë, jo fatkeqësitë që mund të kenë ndodhur në shkollë, por precedentin e shkollës së mbyllur sa herë ka një epidemi, sa herë ka mot të ftohtë, madje edhe kur ka vetëm shi.

Gati 3 vite më parë, shkollat u mbyllën në janar për shkak të një epidemie të përhapur, por në fakt arsyeja kryesore ishin temperaturat shumë të ulëta dhe pamundësia për të ngrohur shkollat.

Po ku rrinë fëmijët në ditë të tilla? Kopshtet e qendrat private janë streha e tyre në këto ditë të pasigurta. A është një institucion privat më i sigurtë se një institucion publik?! Dyshoj.

Përgjigja zyrtare është po ashtu e përsëritur. Përkrah mbylljes së shkollave vjen vendimi për ditën pushim të punonjësve të institucioneve publike. Në institucionet publike janë rreth 171 mijë të punësuar sipas INSTAT. Thënë ndryshe, rreth 17% e të punësuarve në privat (përfshirë edhe sektorin e bujqësisë). Mbi 1 milion të punësuar, bashkë me sipërmarrësit u duhet t’i përvishen punës, në borë, në shi, e në stuhi. Përse?! Sepse u duhet të paguajnë taksat e sigurimet në fund të muajit. Janë taksat e sigurimet që shkojnë për arsimin, shëndetësinë, administratën publike…

Mungesa e marrjes së përgjegjësive dhe aplikimi i standardeve të dyfishta në një popullsi kaq të vogël, vetëm sa e dobëson reputacionin e vendimarrësve dhe besimin te këto institucione.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Leximi është për mendjen ajo që ushtrimi është për trupin.”
— Joseph Addison
Must watch
Business Mag Nr. #38 - Qershor 2025

Shqipëria është sot më pranë se kurrë Bashkimit Europian. Hapat integrues të ekonomisë drejt njëjtësimit me standardet europiane, transformimi digjital, ligji për mbrojtjen e të dhënave, qasja ndaj inovacionit dhe mbrojtja e pronës intelektuale, janë të gjitha tregues të një Shqipërie që po zhvillohet me ritme të kënaqshme.

Kjo nuk është më Shqipëria e viteve të gjumit institucional dhe të një sektori privat që rri në pritje. Sot, vendi është në lëvizje. Nga hapësirat e betonit gri të Piramidës në Tiranë, ku të rinjtë po programojnë të ardhmen, e deri te sipërmarrjet që sjellin zgjidhje inovative dhe injektojnë ritëm e ambicie në treg, po ndërtohet një ekonomi që kërkon të jetë pjesë e botës së zhvilluar.

“Krijo, por mbro!” – ky apel i DPPI-së duhet të shkruhet në çdo zyrë, studio, fabrikë apo laborator. Nuk ka zhvillim pa siguri ligjore, dhe nuk ka ekonomi kreative pa mbrojtje të së drejtës autoriale.
Në të njëjtën kohë, Bashkimi Europian po zgjat dorën me fonde dhe projekte konkrete. Nga modernizimi i rrjetit hekurudhor tek financimi i startup-eve dhe sipërmarrjeve të gjelbra, mbështetja e BE-së po i jep frymë një transformimi të qëndrueshëm ekonomik. Platformat si Think Big dhe programet e edukimit digjital janë duke krijuar një ekosistem të ri për inovacionin.

Për bizneset shqiptare, e tashmja është një mundësi që nuk mund të shpërdorohet. Standardet …

Shiko më shumë
Na ndiqni në rrjetet sociale
0