Qeveria fond 550 milionë lekë/ Hapen aplikimet për mbështetje dhe integrim në tregun e punës

Të gjithë punëkërkuesit që kanë humbur vendin e punës apo që nuk po arrijnë të gjejnë veten në treg, do të kenë mundësi të përfitojnë përmes programeve të punësimit. Agjencia Kombëtare e Punësimit dhe Aftësive ka çelur thirrjen për mbështetjen e bizneseve me qëllim rritjen e të punësuarve për këtë vit, ku  fondi i vënë në dispozicion në total është 550 milionë lekë.

Ky është një program për punësim 1-vjecar i cili synon të përshtatë nevojat e individëve të papunë me kërkesën e punëdhënësit duke i subvencionuar ato.  Për të punësuar këta punëkërkues, punëdhënësit subvencionohen nga buxheti i shtetit me financim deri në 12 paga.

Ndërkohë që risia për këtë vit, është që për t’ju ardhur ne ndihmë personave që kanë pengesa të tjera për të filluar punë, përmes këtij programi, ofrohet subvencionim për shpenzimet e transportit dhe ndjekjen e çerdhes ose kopshtit të fëmijëve në ngarkim.

Ndërsa për personat me aftësi të kufizuar, programi subvencionon edhe përshtatjen e vendit të punës.  Bizneset e interesuara mund të aplikojnë pa afat përmes portalit e-albania, ku dhe informohen mbi dokumentacionin që duhet të dorëzojë dhe kriteret që duhet të plotësojnë. Ky është një program që aplikohet çdo vit me qëllim nxitjen  e punësimit në vend dhe uljen e papunësisë.

Lexo edhe: Shqipëri, të rinjtë i kthehen kodimit si një profesion që siguron punësim

Njoftimi i plotë

Në zbatim të Ligjit Nr. 15/2019 “Për nxitjen e punësimit”, paketës ligjore për zbatimin e programeve të nxitjes së punësimit, Programit të Qeverisë, Ministrisë së Financave dhe Ekonomisë për aplikimin në programet aktive të tregut të punës, për vitin 2022 nga Buxheti i Shtetit është akorduar fondi prej 550 milion lekë për programet e nxitjes së punësimit.

Mbështetur në miratimin e planifikimit dhe shpërndarjes së fondeve dhe të treguesve të monitorueshëm për programet e nxitjes së punësimit për vitin 2022, të përgatitur nga AKPA dhe miratuar nga Ministria e Financave dhe Ekonomisë me shkresë nr.485/1 prot, datë 06.04.2022 të “Shpërndarjes së fondeve dhe pjesëmarrësve në Programet e Nxitjes së Punësimit për vitin 2022“

Agjencia Kombëtare e Punësimit dhe Aftësive hap aplikimet për programet e nxitjes së punësimit për vitin buxhetor 2022 duke njoftuar të gjithë punëdhënësit e interesuar.

Aplikimi online në portalin e-albania për VKM Nr.17, datë 15.01.2020 dhe VKM Nr. 608, datë 29.07.2020

• Vendimit të Këshillit të Ministrave Nr.17, datë 15.01.2020 “Për procedurat, kriteret dhe rregullat për zbatimin e programeve të nxitjes së punësimit nëpërmjet punësimit, formimit në punë dhe praktikave profesionale”i ndryshuar;
• Vendimit Nr. 608, datë 29.07.2020 “Për procedurat, kriteret dhe rregullat për zbatimin e programit të nxitjes së punësimit të personave të dalë të papunë si pasojë e COVID-19”, i ndryshuar.

Aplikimi online  në portalin https://puna.gov.al/profili/punedhenes/nxitjaPunesimit  për VKM Nr.535, datë 08.07.2020 ose në zyrat përkatësë të institucionit përgjegjës për punësim dhe aftësitë në programet sipas VKM-ve si më poshtë:

• Vendimit Nr. 535, datë 8.7.2020 “Për procedurat, kriteret dhe rregullat për zbatimin e Programit të Punëve Publike në Komunitet”.

Aplikimi online  në portalin https://puna.gov.al/profili/punekerkues/programVetepunesimi për VKM Nr.348, datë 29.04.2020 ose në zyrat përkatësë të institucionit përgjegjës për punësim dhe aftësitë në programet sipas VKM-ve si më poshtë:

• Vendimit Nr. 348, datë 29.4.2020 “ Për procedurat, kriteret dhe rregullat për zbatimin e programit të nxitjes nëpërmjet Vetëpunësimit”;

Afati për të aplikuar dhe dorëzuar dokumentacionin për të gjithë punëdhënësit e interesuar fillon nga data 19.04.2022, e publikimit të Njoftimit në Buletinin e Njoftimeve Publike të APP-së