Nëse dëshironi të keni një makinë elektrike, mund të përfitoni nga heqja e disa taksave dhe tarifave si dhe nga reduktimi i Tatimit mbi Vlerën e Shtuar.
Kjo u bë e ditur nga Ministrja e Infrastrukturës dhe Energjisë, Belinda Balluku. Ajo tha se qeveria ka vendosur të stimulojë me taksa më të ulëta, këdo që kalon tek teknologjia e re e makinave, pra tek automjetet elektrike.
“Rimbursojmë çdo tarifë regjistrimi për herë të parë për mjetet elektrike, duke zeruar tarifat e kontrollit fizik, leje qarkullimi kombëtare, certifikatë pronësie dhe targat. Në total, një vlerë prej 7 mijë 500 lekë mbulohet nga DPSHTR”, njoftoi Balluku.
Lexo edhe: Pesë pyetje për makinat elektrike që marrin përgjigje
Ministrja e Infrastrukturës dhe Energjisë, Belinda Balluku shtoi më tej në fjalën e saj se për të përmirësuar cilësinë e transportit dhe ulur nivelin e ndotjes është marrë edhe masa e reduktimit të TVSH-së për mjetet e gjelbra në transportin publik nga 20% në 6%, për të ndihmuar sektorin të vijojë reformat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
