Në kohën kur i duhet të injektojë para në ekonominë e vendit, Qeveria Shqiptare do të marrë një borxh shtesë prej 120 milionë euro. Banka e Shqipërisë ka bërë të ditur se në ankandin e radhës do të emetojë një obligacion me vlerë 120 milionë euro. Obligacioni me afat maturimi 2 vjet emetohet për llogari të qeverisë shqiptare e cila.
Ankandi është parashikuar të mbahet të Hënën, 6 Prill me kupon indikativ 1.8%. Ky është ankand jashtë radhe i paparashkikuar në kalendarin e ankandeve që BSH publikon që në fillim të vitit. Por, është një ankand i pritshëm në kushtet e emergjencës.
Vlera e kësaj radhe është më e larta e emetuar ndonjëherë nga BSH për obligacionet në euro. Obligacionet e mëparshme u emetuan në vitin 2017 me një vlerë prej rreth 45 milionë euro, me një kupon shumë më të ulët indikativ prej vetëm 0.7%.
Lexo: Gjysma e investimeve për rindëritmin do të merret borxh. 200 mln dollarë investime
Deri më tani kryeministri ka bërë të ditur disa masa mbështetëse përsa i përket pagesës së papunësisë dhe pagesës së pagës minimale për punonjësit e sipërmarrjeve të vogla, ndërsa të gjitha shoqatat e biznesit, përfshirë edhe ato të sportit dhe medias, kanë parashtruar kërkesat e tyre për mbështetje financiare në këto kushte të pazakonta.
Ndërkohë sipërmarrje në fushën e shërbimeve, por edhe prodhimit kanë nisur të pushojnë punonjës nga puna.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English