Qeveria do shtyjë mbrojtjen për investimet e huaja deri në 2018


Çështja e pronësisë është lakuar kohë pas kohe si një nga problemet më të mëdha që ka frenuar investitorët e huaj.

Në shumë raste për të njëjtin truall ka pasur pretendime nga dy ose tre persona, kurse zvarritja nëpër gjykata ka mbajtur peng për vite të tëra investitorët.

Në këto kushte në vitin 2010 qeveria do të miratonte një mbrojtje të posaçme për investimet e huaja duke dalë ajo si palë në gjykatë në vend të investitorit.

Por kjo u garantua deri në vitin 2014. Tani qeveria po synon që të zgjasë afatin për mbrojtjen e posaçme deri në vitin 2018.

Të paktën kështu është përcaktuar në një projektligj që aktualisht është në fazë konsultimi në Ministrinë e Zhvillimit Ekonomik, Turizmit, Tregtisë dhe Sipërmarrjes.

“Në nenin 1 në piken e parë është parashikuar zgjatja e afatit te mbrojtjes se posaçme deri me datë 31 Dhjetor 2018” thuhet në relacion.

Por duket se të njëjtën mbrojtje do të gëzojnë edhe ato që konsiderohen investime strategjike.

“Mbrojtje të posaçme shtetërore sipas parashikimeve të këtij ligji, përfitojnë automatikisht dhe pa patur nevojën e ndjekjes së ndonjë procedure apo marrjes së ndonjë vendimi tjetër, edhe investitorët/investimet strategjike” përcakton neni i ri i projektligjit.

Burimi: scan-tv.com

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale