Shifra rekord e bizneseve, të cilat janë gjobitur nga ana e Administratës Tatimore, ka shënuar numrin më të lartë muajin Qershor të këtij viti.
Drejtoria e Përgjithshme e Tatimeve, në një deklaratë zyrtare, ka bërë me dije se numri i e bllokimit të pasurive të luajtshme e të papajtueshme, i ka kaluar 26 mijë. Krahasuar me Qershorin e vitit të kaluar, shifrat rezultojnë me një rritje prej 30%.
Drejtoria ka bërë publike listën e tatimpaguesve me detyrime të papaguara në afat, ndaj të cilëve ka vendosur marrjen e masave të sigurimit mbi të gjithë pasuritë për ekzekutimin e detyrime. Madje ka filluar procedura e mbledhjes me forcë të tyre. Të gjitha bizneset të cilat janë publikuar në listën e tatimeve, nuk mund të kryejnë asnjë transaksion me pasuritë e tyre, deri në shlyerjen e detyrimit tatimor.
Lexo: Tatimet u dërgojnë letër bizneseve. Deklaroni të ardhurat
Kjo mënyrë procedimi, është një prej formave të mbledhjes me forcë të borxhit nga ana e Administratës Tatimore. Kjo bëhet me qëllim që organet apo institucionet të cilët kanë bërë regjistrimet e këtyre pasurive të paluajtshme, të regjistrojnë detyrimin tatimor. Gjithashtu të mos lejojnë kryerjen e transaksioneve për transferimin e pasurive të tatimpaguesve debitorë, deri në momentin që detyrimi tatimor i papaguar të arkëtohet.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
